រឿងពិតនៅពីក្រោយព្យុហយាត្រាស៊ីក្លូបៃតងកណ្តាលភ្នំពេញម្សិលមិញ នាំគេផ្អើលមើលគ្រប់គ្នា
- 2018-09-24 10:03:56
- ចំនួនមតិ 0 | ចំនួនចែករំលែក 0
រឿងពិតនៅពីក្រោយព្យុហយាត្រាស៊ីក្លូបៃតងកណ្តាលភ្នំពេញម្សិលមិញ នាំគេផ្អើលមើលគ្រប់គ្នា
ចន្លោះមិនឃើញ
កាលពីរសៀលម្សិលមិញនេះ ទិដ្ឋភាពព្យុហយាត្រាស៊ីក្លូពណ៌បៃតងស្រស់ដ៏រំជើបរំជួលមួយបានលេចឡើងនៅកណ្តាលទីក្រុងភ្នំពេញ ដោយមានក្រុមអ្នករត់ស៊ីក្លូតុបតែងដោយដាក់ពាក្យស្លោក «រសជាតិនៃភាពរីករាយ» ចំនួន ៣០គ្រឿងជិះដង្ហែជុំវិញភ្នំពេញ បានទាក់ទាញការចាប់អារម្មណ៍យ៉ាងខ្លាំង ដោយត្រូវបានអ្នកធ្វើដំណើរតាមផ្លូវជាច្រើនដល់ថ្នាក់ដកទូរសព្ទចេញមកថតទុកទៀតផង។
នេះជាផ្នែកមួយនៃយុទ្ធនាការផ្សព្វផ្សាយភាពសប្បាយរីករាយរៀបចំឡើងដោយភេសជ្ជៈ Kickapoo ដែលជាភេសជ្ជៈល្បីឈ្មោះពីអាមេរិកតាំងពីឆ្នាំ ១៩៦០ មកទល់បច្ចុប្បន្ននេះ ហើយទើបតែចូលដល់កម្ពុជាកាលពីពេលថ្មីៗនេះ ដោយការសម្ភោធវត្តមានជាផ្លូវការនៃ Kickapoo នៅកម្ពុជានេះ អមជាមួយនឹងព្រឹត្តិការណ៍ព្យុហយាត្រាស៊ីក្លូនេះឯង។ លោក ចយ ចាន់ ជាអ្នករត់ស៊ីក្លូមកពីសមាគមអភិរក្សស៊ីក្លូ និងមុខរបរក្រៅប្រព័ន្ធ បាននិយាយថា៖ «ខ្ញុំពិតជាសប្បាយរីករាយខ្លាំងណាស់ដែលបានចូលរួមក្នុងកម្មវិធីបែបនេះ។ នេះជាលើកទីមួយហើយ ដែលខ្ញុំអាចមានឱកាសជិះស៊ីក្លូបង្ហាញទៅសាធារណៈជាពិសេសបានដឹកភ្ញៀវទេសចរបរទេសដើម្បីឲ្យពួកគាត់ស្គាល់ស៊ីក្លូ និងរីករាយគយគនទេសភាពទីក្រុងយើងថែមទៀត»។
ព្យុហយាត្រានេះចាប់ផ្តើមពី វិមានឯករាជ្យ ធ្វើដំណើរឆ្លងកាត់ទីតាំងទេសចរណ៍មួយចំនួននៅភ្នំពេញដូចជា សួនវត្តបុទុមវតី មាត់ទន្លេទល់មុខព្រះបរមរាជវាំងវត្តឧណាឡោម និងវត្តភ្នំ ហើយបញ្ចប់នៅផ្សារទំនើបសូរីយា ដែលជាកន្លែងដែល Kickapoo រៀបចំកម្មវិធីចែកឲ្យភ្លក់សាករសជាតិ Freeផងដែរ។
កញ្ញាជីន វ័យ២៣ឆ្នាំ ដែលបានមកមើលកុននៅផ្សារទំនើបសូរិយាជាមួយមិត្តភក្តបីនាក់ផ្សេងទៀតបានបង្ហាញចំណាប់អារម្មណ៍បន្ទាប់ពីភ្លក់រសជាតិភេសជ្ជៈ Kickapoo ថា៖ «ឆ្ងាញ់ជក់មាត់ណាស់បង ត្រូវចិត្តខ្ញុំម៉ាច់ម៉ង ធម្មតាខ្ញុំចូលចិត្តរសជាតិបែបក្រូចឆ្មាអីចឹងស្រាប់ ពិសេសវាអស់សូវផ្អែមខ្លាំងទៀត ពេញញ៉ាំទៅរៀងមានកម្លាំង ហើយមានអារម្មណ៍ស្រស់ស្រាយសម្បើមណាស់ ឮថាដូចមានវីតាមីនជួយសុខភាពទៀត»។
ភេសជ្ជៈ Kickapoo បន្តគាំទ្រភាពរីករាយ និងវិជ្ជមានសម្រាប់ការគិតនៃជីវិត ជាមួយនឹងការចែកចាយភេសជ្ជៈ Kickapoo Joy Juice នៅឯផ្សារទំនើប សូរិយា សេនធ័រ ភ័នធ៍ ដោយថែមទាំងផ្តល់ភាពភ្ញាក់ផ្អើលដល់អតិថិជនតាមរយៈការរាំ flash mob ទៀតផង៕