បង្ការរឿងខាតបង់ក្នុងអាជីវកម្មដោយយល់ច្បាស់ពីសវនកម្មសហគ្រាសតាមរយៈសិក្ខាសាលានេះ
- 2018-09-24 11:02:49
- ចំនួនមតិ 0 | ចំនួនចែករំលែក 0
បង្ការរឿងខាតបង់ក្នុងអាជីវកម្មដោយយល់ច្បាស់ពីសវនកម្មសហគ្រាសតាមរយៈសិក្ខាសាលានេះ
ចន្លោះមិនឃើញ
សមាគមសវនកម្មខេមអេដ (CamEd Audit Club) ហៅកាត់ថា C.A.C នឹងរៀបចំវេទិកាស្តីអំពី «សវនកម្ម និង ការ គ្រប់គ្រងក្នុងសហគ្រាស» ប្រចាំឆ្នាំ២០១៨ (The Speculation 2018 under the theme of “ Assurance and Control in Business Entity) នៅថ្ងៃអាទិត្យ ៣០ កញ្ញា ឆ្នាំ2018នេះ ម៉ោង ១ ដល់៥ រសៀល នៅឯមជ្ឈមណ្ឌលសហប្រតិបត្តិការណ៍កម្ពុជាជប៉ុន (CJCC)។
«ដោយយើងកត់សម្គាល់ឃើញថាអាជីវកម្មមួយចំនួននៅមានភាពខាតបង់ដោយសារកង្វះខាតការគ្រប់គ្រងផ្ទៃក្នុង និងកង្វះពត៌មាននៃអត្ថប្រយោជន៍របស់សវនកម្មភាពនៅក្នុងសហគ្រាសដែលជាកត្តាសំខាន់មួយដែលអាចពង្រឹងប្រព័ន្ធនៃការគ្រប់គ្រងនិង ជួយបង្កើនភាពជឿនលឿននៃអភិលបាលកិច្ចល្អក្នុងក្រុមហ៊ុន»។ នេះបើតាមការលើកឡើងរបស់ក្រុមការងាររៀបចំសិក្ខាសាលានេះ។
«សិស្សដែលបញ្ចប់ថ្នាក់ទី១២ ឬនិស្សិតមួយចំនួនដែលកំពុងតែស្វែងរកជំនាញសិក្សា និងអាជីពការងារក៏មិនទាន់បានដឹងអំពីភាពលម្អិតនៃវិស័យសវនកម្ម (Auditing) នៅកម្ពុជា ក៏គួរមកបន្ថែមចំណេះដឹងដែរព្រោះក្នុងការងារអ្វីក៏ដោយក៏តែងពាក់ព័ន្ធនឹងសវនកម្មនេះដែរ»។ កញ្ញាកញ្ជាក់បន្ថែម។
ប្រធានបទសំខាន់ៗ៤ នឹងបកស្រាយលម្អិតពីសំណាក់វាគ្មិនជំនាញ ចំណានៗពីវិស័យអាជីវកម្ម ឯកជន និងមជ្ឈដ្ឋានសិក្សាធិការរួមមាន៖
១. «ការកេងប្រវ័ញ្ច និង ហានិភ័យក្នុងអាជីវកម្ម» (Business Frauds and Risks) វាគ្មិន លោក កែវ ឡុងឌី ប្រធានប្រតិបត្តិការនៃក្រុមហ៊ុនស្រមោចត្រេឌីង (Srormoch Trading)។
២. «អភិបាលកិច្ចនៃក្រុមហ៊ុន» (Corporate Governance) វាគ្មិន លោក ស៊ាង សុបញ្ញា នាយកសាលាវិទ្យាស្ថាន ខេមអាស៊ាន (CAM-ASEAN International Institute)។
៣. «សវនកម្មផ្ទៃក្នុង» (Internal Audit) វាគ្មិន លោក ចាន់ វាសនា Partnerនៃក្រុមហ៊ុន APV (Cambodia) Co.,Ltd ។
៤. «សវនកម្មផ្ទៃក្រៅ» (External Audit) វាគ្មិន លោក ខយ គីមឡេង Country Manager នៅក្រុមហ៊ុន Deloitte។
អ្នកចូលរួមនឹងទទួលបានកាដូ នំដូណាត់ Krispy Kreme ព្រមទាំងឱកាសឈ្នះរង្វាន់ផ្សេងៗនាចុងកម្មវិធីផងដែរ។
សំបុត្រតម្លៃ ៥ដុល្លារ សូមទាក់ទងមកលេង 097 36 00 514 / 012 59 49 27 /015 28 76 76 និងអាចតាមដាន ឬផ្ញើរសារមកកាន់ហ្វេសបុកផេក CamEd Audit Club និង អាចចុះឈ្មោះតាមរយៈ link រឺ QR Code នៅទីនេះ៕