បើជួបបញ្ហា! មកមើលបកស្រាយឲ្យអស់សង្ស័យ បញ្ហា iPhone XS Max អេក្រង់ឡើងឆ្នូតពណ៌បៃតង

2018-09-24 13:29:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបើកលក់ជាផ្លូវការលើទីផ្សារប្រទេសមួយចំនួនក្នុងសកលលោក ស្មាតហ្វូនកំពូល iPhone XS/XS Max របស់ Apple ក៏មានការរាយការណ៍ជុំវិញបញ្ហាកំហុសបន្តិចបន្តួច ដោយប៉ុន្មានថ្ងៃនេះម្ចាស់ស្មាតហ្វូនតម្លៃពាន់ដុល្លារ បន្តចែកចាយពីរឿងរ៉ាវឧបករណ៍ឡើងឆ្នូតពណ៌បៃតងលើអេក្រង់។

យោងតាមគណនី @phillmeredith ចែករំលែកលើបណ្តាញសង្គម Twitter បង្ហាញ iPhone XS Max ដែលខ្លួនបានទិញនៅពេលបើកដំណើរការម៉ាស៊ីន ក៏ស្រាប់ឡើងឆ្នូតមួយពណ៌រាងលឿងស្រាល ស្រដៀងនឹងមួយករណីផ្សេងទៀតក្នុងប្រទេសអូស្រា្តលី ដោយគណនី Musthafa Ali រស់នៅក្នុងទីក្រុងស៊ីដនី ក៏សង្កត់ធ្ងន់ពី iPhone XS Max ដដែលមានឡើងខ្សែឆ្នូតពណ៌បៃតងរាងបញ្ឈរ។

Brand New iPhone XS MAX with faulty display. #iPhoneMaxdisappointment #iPhoneXSMax #iPhoneXSMaxFaultyDisplay pic.twitter.com/G7frlQJ40p

— Musthafa Ali (@mali4481) September 21, 2018

រំឭកថាករណីនេះក៏ធ្លាប់កើតមានដូចគ្នាលើម៉ូឌែល iPhone X បង្ហាញខ្លួនឆ្នាំ ២០១៧ ដែលយើងហៅបញ្ហានេះថា Green Line Of Death ឧស្សាហ៍ជួបប្រទះលើឧបករណ៍បំពាក់អេក្រង់ OLED ដូចធ្លាប់មានលើ Galaxy S7 Edge ដោយការផលិតម៉ាស៊ីនរាប់លានគ្រឿង រមែងប៉ះស៊យមួយចំនួនតូច ពោលគឺដោយសារបច្ចេកវិទ្យានៃអេក្រង់ OLED នេះផ្ទាល់ ដោយ sub-pixel ជាផ្នែកបង្កឲ្យគ្រាប់ភីកសែលពណ៌បៃតងរំលេចចេញឡើង ឬអាចឆ្លាស់គ្នាជាមួយភីកសែលពណ៌ខៀវនិងក្រហម។

រូបតំណាងបញ្ហាធ្លាប់កើតមានលើ iPhone X

ដំណោះស្រាយគឺ Apple បើកដៃចាំទទួលស្វាគមន៍ជានិច្ច ព្រោះម្ចាស់ iPhone ឈ្មោះ Ali ក៏ទើបតែទៅទទួលការប្តូរជូនម៉ាស៊ីនថ្មីពីក្រុមហ៊ុន បែបនេះសម្រាប់អតិថិជនទូទាំងសកលលោកផ្សេងទៀតប្រសិនជួបបញ្ហាដូចខាងលើ អាចទំនាក់ទំនងទៅ Apple Store នៅជិតលោកអ្នកបំផុត។