ពាក្យពេចន៍ដ៏មានអត្ថន័យរបស់ BTS ថ្លែងនៅអង្គការសហប្រជាជាតិ យុវវ័យគួរតែស្ដាប់

2018-09-25 02:17:06
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២៤ ខែកញ្ញានេះ ក្រុមចម្រៀងកូរ៉េដ៏ល្បី BTS បានបង្ហាញវត្តមាននៅការិយាល័យកណ្ដាលនៃអង្គការសហប្រជាជាតិក្នុងទីក្រុងញូវយ៉ក ដើម្បីចូលរួមកម្មវិធីផ្សព្វផ្សាយឱកាសវិនិយោគសម្រាប់ក្មេងៗ និងយុវវ័យដែលមានវ័យចន្លោះពី ១០ ទៅ ២៤ឆ្នាំដែលមានឈ្មោះថា "Generation Unlimited”។

ក្នុងកម្មវិធីនោះដែរ មេក្រុម BTS តារាចម្រៀង RM បានតំណាងឲ្យក្រុមរបស់លោកទាំងមូល ឡើងថ្លែងសន្ទរកថារយៈពេលជាង ៣ នាទី ដ៏មានអត្ថន័យជ្រាលជ្រៅសម្រាប់ជាចំណេះដឹង និងបទពិសោធជូនក្មេងៗយុវវ័យសម័យថ្មីនេះ។ អំឡុងពេលថ្លែងសន្ទរកថានោះដែរ តារាចម្រៀងរូបនេះ បានជំរុញ និងលើកទឹកចិត្តយុវវ័យក្មេងៗ តាមរយៈរឿងជីវិតពិតរបស់ពួកគេ និងអត្ថន័យដែលបង្កប់ក្នុងអាល់ប៊ុម "Love Yourself”។

តារាចម្រៀង RM និងរាល់សមាជិកក្រុម BTS ចង់ឲ្យក្មេងៗយុវវ័យទាំងអស់លើពិភពលោកនេះ ឲ្យមានការជឿជាក់លើខ្លួនឯង កុំខ្វល់ពីអ្វីដែលសង្គមសម្លឹងមកយើង។ ជាងនេះទៅទៀត ពួកគេចង់ឲ្យពិភពលោកចៀសឆ្ងាយពីអំពើហិង្សា និងការរើសអើង៕

ទស្សនាវីដេអូខាងក្រោម៖

ប្រភព៖ Kenh14 ប្រែសម្រួល៖ អន សុភក្ត្រា