បន្ទប់ប្រណិតបែបនេះ កូនកាត់ឥណ្ឌា លី ឧត្ដម ចំណាយអស់ប៉ុន្មានលើការតុបតែង?

2018-09-25 02:36:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីតារាសម្ដែង កូនកាត់ឥណ្ឌា លី ឧត្ដម បានបង្ហោះរូបបន្ទប់ពេញដោយពន្លឺចែងចាំង ប្រៀបដូចដាំមាសភ្លឺផ្លេក ធ្វើឲ្យមានការចាប់អារម្មណ៍យ៉ាងខ្លាំងពីអ្នកប្រើប្រាស់បណ្ដាញសង្គម ឲ្យបើកភ្នែកធំៗតែម្ដង។

តារាវ័យក្មេងទើបប្រឡូកសិល្បៈបានជាងមួយឆ្នាំ ប្រាប់ថា បន្ទប់គេងនេះ លោកចំណាយពេលតុបតែងដោយខ្លួនឯងទាំងការដាក់វាំងនន ជ្រើសរើសទូ គ្រែ តុ កៅអី និងរូបថត ហើយទើបធ្វើរួចបានពីរ បីថ្ងៃប៉ុណ្ណោះ។ ការរៀបចំបន្ទប់ឲ្យប្រែក្លាយជា ពណ៌មាស ចែងចាំងបែបនេះ គឺ ដំបូងឡើយ Concept ចេញពីរូបថតដែលលោកព្យួរតាំងនោះតែម្តង។ លោកត្រូវស្វែងរក និងរៀបចំយ៉ាងណាជ្រើសរើសតុ ទូ និងគ្រែ ឲ្យស៊ីគ្នានឹងរូបថតតែងជាឥណ្ឌារបស់លោក ទើបចុងក្រោយបន្ទប់គេងនេះ បានប្រែក្លាយជាបែបនេះ។

បើនិយាយពីតម្លៃសរុបលើការរៀបចំបន្ទប់ប្រណិតមួយនេះវិញ កូនច្បងក្នុងចំណោមកូន៤នាក់ ប្រាប់ថា អស់ជាង២ពាន់ដុល្លារ ។ ក្នុងនោះ ឈុត គ្រែ តុ ទូ តម្លៃ១៤០០ដុល្លារ ក្រោយទិញពីអ្នកស្គាល់គ្នា គេបញ្ចុះតម្លៃឲ្យ។ តារាបង្ហាញម៉ូដ រូបនេះ គ្រាន់តែចង់ឲ្យកន្លែងគេងរបស់ខ្លួន មានផាសុកភាព និងពេលចូលដល់បន្ទប់ពេលណា មានអារម្មណ៍ស្រស់ស្រាយប៉ុណ្ណោះ ដោយមិនតាំងចិត្តចង់បង្អួតអ្វីឡើយ៕

អត្ថបទ៖ លឹម សុនា