កងទ័ពអាកាសអាមេរិក នឹងទិញឧទ្ធម្ភាគចក្រថ្មី ៨៤គ្រឿង ទុកការពារនុយក្លេអ៊ែរ
- 2018-09-25 03:08:31
- ចំនួនមតិ 0 | ចំនួនចែករំលែក 0
កងទ័ពអាកាសអាមេរិក នឹងទិញឧទ្ធម្ភាគចក្រថ្មី ៨៤គ្រឿង ទុកការពារនុយក្លេអ៊ែរ
ចន្លោះមិនឃើញ
កងទ័ពអាកាសអាមេរិក បានផ្ដល់កិច្ចសន្យាតម្លៃ ២,៣៨ពាន់លានដុល្លារដល់ក្រុមហ៊ុន Boeing សម្រាប់ឧទ្ធម្ភាគចក្រថ្មី ដែលជាផ្នែកមួយនៃកិច្ចខិតខំប្រឹងប្រែង និងជំនួសឧទ្ធម្ភាគចក្រចាស់ ដែលបានជួយការពារទីតាំងនុយក្លេអ៊ែររបស់អាមេរិក តាំងពីឆ្នាំ១៩៧០។
កិច្ចសន្យានេះមានន័យថា កងទ័ពអាកាសអាមេរិក Air Force នឹងទិញឧទ្ធម្ភាគចក្រ MH-139 ចំនួន ៨៤គ្រឿង ដើម្បីជំនួសឧទ្ធម្ភាគចក្រចាស់ UH-1N Huey ដែលកំពុងបំពេញបេសកកម្មនេះ។
Air Force បានឲ្យដឹងនៅក្នុងសេចក្ដីថ្លែងការណ៍មួយ កាលពីថ្ងៃច័ន្ទថា «ឧទ្ធម្ភាគចក្រថ្មីនេះនឹងក្លាយជាឧបករណ៍ដ៏សំខាន់ សម្រាប់កងទ័ពដែលមានតួនាទីធានា និងការពារ ទីតាំងនុយក្លេអ៊ែររបស់ប្រទេស»។
ឧទ្ធម្ភាគចក្រ MH-139 នឹងត្រូវផលិតរួមគ្នារវាងក្រុមហ៊ុន Boeing និង Leonardo នៅក្នុងទីក្រុង Philadelphia រដ្ឋ Pennsylvania សហរដ្ឋអាមេរិក៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
