ចាប់ខ្លួនអ្នកបើកបរ ក្រោយក្រឡាប់កប៉ាល់សម្លាប់អ្នកដំណើរជាង ២០០នាក់
- 2018-09-25 03:05:21
- ចំនួនមតិ 0 | ចំនួនចែករំលែក 0
ចាប់ខ្លួនអ្នកបើកបរ ក្រោយក្រឡាប់កប៉ាល់សម្លាប់អ្នកដំណើរជាង ២០០នាក់
ចន្លោះមិនឃើញ
យ៉ាងហោចណាស់មានមនុស្ស ២២៤នាក់ បានស្លាប់ក្រោយពេលដែលកប៉ាល់ដឹកនាក់ដំណើរមួយលិចក្នុងបឹង Victoria កាលពីថ្ងៃព្រហស្បតិ៍សប្ដាហ៍មុនក្នុងប្រទេសតង់ហ្សានី។
យោងតាមប្រធានាធិបតីតង់ហ្សានីលោក John Maguuli បាននិយាយថាអ្នកបើកកប៉ាល់ត្រូវបានចាប់ខ្លួន និងបញ្ជាឲ្យតាមចាប់អ្នកគ្រប់គ្រងកប៉ាល់ផ្សេងទៀតដើម្បីធ្វើការសាកសួរ។ លោកបន្តថា អ្នកបើកកប៉ាល់ ធ្វេសប្រហែសដោយអនុញ្ញាតឲ្យអ្នកមិនមានជំនាញច្បាស់លាស់បើកជំនួសខ្លួន ជាហេតុធ្វើឲ្យបត់ចង្កូតខ្លាំងពេករហូតដល់ក្រឡាប់តែម្ដង។ ចំណែកឯអាជ្ញាធរក្នុងតំបន់ បន្ថែមថាតាមពិតទៅកប៉ាល់នេះផ្ទុកចំណុះបានត្រឹម ១០០នាក់ ប៉ុន្តែនៅថ្ងៃកើតហេតុវាបានផ្ទុកមនុស្សជាង ៤០០នាក់ឯណោះ។
យ៉ាងណាក្ដី របាយការណ៍ជាច្រើនជឿថាមូលហេតុបណ្ដាលឲ្យក្រឡាប់កប៉ាល់គឺមកពីការផ្ទុកលើសចំណុះ ប៉ុន្តែអាជ្ញាធរកំពុងធ្វើការស៊ើបអង្កេតបន្ដដើម្បីកំណត់មូលហេតុឲ្យបានច្បាស់លាស់៕
ចុចអាន ៖