ចង់ដឹង EXO វិលមកវិញពេលណា? អានអត្ថបទនេះហើយ អ្នកគាំទ្រនឹងញញឹមបិទមាត់លែងជិត

2018-09-25 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាង ១ឆ្នាំហើយចាប់តាំងពី "Ko Ko Bop” បានលេចរូបរាង ហើយអ្នកគាំទ្រក្រុមចម្រៀង EXO ទាំងអស់ក៏ទន្ទឹងរង់ចាំការវិលមកវិញសាជាថ្មីរបស់ក្រុមសំណព្វចិត្តរបស់ពួកគេមួយនេះដែរ។

ស្របពេលគម្រោង Comeback របស់ EXO កាន់តែស្ងាត់ទៅៗបែបនេះ ទើបធ្វើឲ្យអ្នកគាំទ្រមួយចំនួននាំគ្នាព្រួយថា ក្រុមនេះអាចនឹងវិលមកវិញនៅឆ្នាំ ២០១៩ ឯណោះ។ សំណួរមួយបានចាក់ដោតពេញអារម្មណ៍អ្នកគាំទ្រ ថា "នៅពេលណា EXO ត្រឡប់មកវិញ?” និងត្រូវបានលើកមកវិភាគពេញអ៊ីនធឺណិត ព្រមទាំងបង្ហាញការយល់ឃើញខុសៗគ្នាដូចតទៅ៖

ចាប់ផ្ដើមដំបូងគឺ គ្រប់គ្នាជឿជាក់ថា EXO នឹងវិលមកវិញក្នុងពេលឆាប់ៗ ដោយសង្កេតមើលការប្ដូរពណ៌សក់របស់សមាជិកម្នាក់ៗក្នុងក្រុម។ ក្នុងនោះ បើក្រឡេកមើល សក់របស់ D.O ហាក់ដូចជាវែងជាងមុន ទោះមិនវែងខ្លាំងក៏ដោយ ប៉ុន្តែវាចេញជាម៉ូដផ្សេង ស្របពេល Suho លាបសក់ពណ៌ត្នោត Baekhyun លាបសក់ពណ៌ត្នោតខ្ចី និង Sehun ប្ដូរទៅជាពណ៌ក្រហម។ សក់ Chen ក៏មិននៅដដែលដែរ គឺបានប្ដូរទៅជាពណ៌ត្នោត ហើយ Xiumin អាចនឹងអ៊ុតរួញ។ ងាកទៅ Kai វិញសក់ទុកកាន់តែវែង ឯ Chanyeol ប្ដូរដល់ទៅ ២ដង លើកទី១ ពណ៌ទងដែង និងចុងក្រោយនេះពណ៌ប្រផេះ។ ប៉ុន្តែយ៉ាងណាក្ដីអ្នកខ្លះគិតថា សមាជិកទាំងអស់គ្រាន់តែចង់ប្ដូរតាមអារម្មណ៍ប៉ុណ្ណោះ ហើយគ្រប់គ្នានៅតែមិនអាចសន្និដ្ឋានបានថានឹង Comeback ឬអត់នៅឡើយ។

បន្ថែមពីនេះ បើរម្លឹកកាលពីដើមឆ្នាំ ២០១៨ SM បានបង្ហើបថា Girls' Generation វិលមកវិញ មុន EXO និង NCT127។ ប៉ុន្តែអ្វីដែលគ្រប់គ្នាស្រងាកចិត្តនោះ គឺ ក្រុម NCT127 បែរជាចេញ Teaser បទថ្មីមុនបាត់។

ងាកចូលការងាររៀងៗខ្លួនវិញ សមាជិកម្នាក់ៗរបស់ EXO បានបញ្ចប់រួចរាល់អស់ហើយ។ ក្នុងនោះ D.O ក៏សម្ដែងរឿង "100 Days My Prince” ចប់ ហើយ Sehun ក៏ថតរឿង "Dokgu Rewind” ចប់ ស្របពេលការងារផ្នែកម៉ូដរបស់ Kai ក៏សម្រេចបានជោគជ័យ។

បន្ថែមពីលើនេះ បទថ្មីរបស់ក្រុមតូច EXO គឺ EXO-CBX ព្រមទាំង Baekhyun, Sehun និង Chanyeol ក៏ចេញផ្សាយចប់សព្វគ្រប់អស់ដែរ។ ប៉ុន្តែងាកទៅមើល Suho វិញ នៅមិនទាន់បញ្ចប់ការសម្ដែងល្ខោនរឿង "The Man Who Laughs” ប៉ុន្តែលោកក៏បានបញ្ជាក់ថាការសម្ដែងនេះនឹងបញ្ចប់នៅចុងខែតុលាឯណោះ។ ដូចនេះវាអាចមកពី លោកត្រូវពន្យារពេលដើម្បីទុកឱកាសវិលមកវិញជាមួយក្រុម។

មួយវិញទៀត ក៏មានពាក្យលេចឮដែរថា គម្រោង Comeback របស់ EXO នឹងមានដល់ទៅ ២ចុងឆ្នាំនៅ ២០១៨។ ក្នុងនោះ លើកទី ១ គឺសម្រាប់អាល់ប៊ុមថ្មី និងមួយទៀតជាអាល់ប៊ុមតូច Repackaged ។ ដូចនេះ ក្ដីរំពឹងថាក្រុមនេះ នឹងវិលមកវិញនៅតែមាន ពិសេសនៅចុងឆ្នាំ មុន Xiumin ចូលធ្វើជាទាហានក្នុងពេលឆាប់ៗខាងមុខ។

ព័ត៌មានមួយទៀតក៏បានលេចឮដែរ ទាក់ទងនឹងវត្តមានរបស់ Lay ក្នុងបទថ្មី ទោះបីថ្មីៗនេះ លោកត្រូវឈានជើងលើកដំបូងលើឆាកអាមេរិកក៏ដោយ។ ទោះជាយ៉ាងណា អ្នកគាំទ្រនៅតែមានសង្ឃឹមថា Lay នឹងមានមុខក្នុងអាល់ប៊ុមថ្មីរបស់ក្រុម ហើយអាចមកពី SM ចង់ឲ្យគ្រប់គ្នាផ្ដោតការចាប់អារម្មណ៍មកលើ Lay កាន់តែខ្លាំងជាមួយអាល់ប៊ុមទោលថ្មីនេះផង។

គ្រប់គ្នាសន្និដ្ឋានថា EXO អាចនឹងវិលមកវិញនៅថ្ងៃទី ០៦ ខែតុលា ផ្អែកតាមការសង្កេតឃើញថា SM ព្យាយាមដកឃ្លាទុកឲ្យ ក្រុម EXO ទាំងមូលមានពេលគ្រប់គ្រាន់សម្រាប់បទថ្មីនេះ។ មួយវិញទៀត គម្រោង Comeback អាចនឹងកើតមាននៅមុនថ្ងៃទី ១៩ ខែតុលា ដែលជាថ្ងៃព្រឹត្តិការណ៍ K-Pop ដ៏ធំរបស់កូរ៉េ Busan One Asia ចាប់ផ្ដើម ហេតុនេះការសម្ដែងបទថ្មីរបស់ក្រុម នឹងកាន់តែពិសេស។ កាន់តែមានសង្ឃឹម គឺអំឡុងថ្ងៃទី ០៧ ដល់ ១៩ ខែតុលាដដែល SM ក៏មិនបានរៀបចំឲ្យក្រុមណាចេញមុខផ្សាយបទថ្មីដែរ។

សម្រាប់វីដេអូបទចម្រៀងផ្លូវការវិញ អាចលេចរូបរាងនៅថ្ងៃធម្មតា ពោលមិនមែនចុងសប្ដាហ៍ឡើយ ដូចជ្រាបស្រាប់នាពេលកន្លងមក ហើយវិលមកវិញលើកនេះ វីដេអូពួកគេអាចបង្ហាញខ្លួន នៅចន្លោះថ្ងៃទី ០៧ ដល់ ១៤ខែតុលា៕

ប្រភព៖ Allkpop ប្រែសម្រួល៖ យី សុធារី