ភ្ញាក់ផ្អើល! Ronaldo និង Messi បោះឆ្នោតឲ្យនរណាសម្រាប់ពានកីឡាករឆ្នើមជាងគេ?

2018-09-25 03:50:34
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពី Luka Modric ប្រកាសក្លាយជាម្ចាស់ពានកីឡាករបាល់ទាត់ឆ្នើមរបស់ពិភពលោក គេបានបង្ហាញការបោះឆ្នោតរបស់របស់កីឡាករកំពូលទាំងពីរ Cristiano Ronaldo និង Lionel Messi។

សម្រាប់ពាន កីឡាករបាល់ទាត់ឆ្នើមរបស់ពិភពលោកឬ FIFA Best Award ក្រៅពីផ្នែកផ្សេងៗក៏មានការចូលរួមបោះឆ្នោតដោយប្រធានក្រុមនិងគ្រូជម្រើសជាតិបាល់ទាត់ផងដែរ។ ពួកគេត្រូវជ្រើសរើសកីឡាករដែលខ្លួនពេញចិត្ត ៣នាក់ ក្នុងចំណោមបេក្ខជន១០នាក់ រួចដាក់ទៅតាមលំដាប់ពី១ ដល់ ៣។ ចំពោះលំដាប់ទី១ទទួលបាន ៥ពិន្ទុ, ទី២ ទទួលបាន ៣ពិន្ទុ និងទី៣ ទទួលបាន ១ពិន្ទុ។

សម្រាប់ការបោះឆ្នោតនេះ Messi ដែលជាប្រធានក្រុមអាហ្សង់ទីនបានបោះឲ្យ Ronaldo នៅលេខ៣ Kylian Mbappe លេខ២និង Modric លេខ១។ ចំពោះ Ronaldo វិញមិនបានបោះឲ្យ Messi ទេ ដោយជ្រើសរើស Raphael Varane លេខ១ Modric លេខ២ និង Antoine Griezmann លេខ៣។

តាមលទ្ធផលពីការពីបោះឆ្នោត គេរកបានកីឡាករ៣នាក់ចុងក្រោយគឺ Modric ស្ថិតនៅលេខ១មាន២៩,០៥៥ ឯ Ronaldo នៅលេខ២មាន១៩,០៨% និង Salah មាន១១,២៣%។ សម្រាប់កម្ពុជាប្រធានក្រុមជម្រើសជាតិបានបោះឲ្យ Ronaldo នៅលំដាប់ទី១, Kylian Mbappe លំដាប់ទី២ និង Luka Modric នៅលំដាប់ទី៣។ ចំណែក លោក ប្រាក់ សុវណ្ណារ៉ា អតីតគ្រូបង្វឹកក្រុមជម្រើសជាតិកម្ពុជា បានជ្រើសរើស Luka Modric នៅលំដាប់ទី១, Antoine Griezmann លំដាប់ទី២ និង Kylina Mbappe នៅលំដាប់ទី៣៕

ប្រភព៖ Sky Sports ប្រែសម្រួល៖ ហេង សុធារិទ្ធិ