ទេស ជីវ៉ា បត់កែងមិនចេះតិច ចុងក្រោយនៅតែមិនអាចសងសឹកថៃបាន

2018-09-25 07:23:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ ទេស ជីវា ព្យាយាមប្រកួតតាំងតែពីដើមទឹករហូតបញ្ចប់ទឹកទី៥ បើរាប់ពីកែងដែលវ៉ៃចេញវិញមិនតិចនោះទេ ប៉ុន្តែលទ្ធផលចុងក្រោយនៅតែមិនអាចសងសឹកបានលើជើងខ្លាំងថៃ Tuonpe កាលពីថ្ងៃអាទិត្យកន្លងទៅសប្ដាហ៍មុននេះ។

ទេស ជីវ៉ា(ក្រហម)

ដោយសារតែ ទេស ជីវ៉ា ធ្លាប់ចាញ់សន្លប់ម្ដងរួចមកហើយក្រោមថ្វីដៃជើងខ្លាំងថៃខាងលើនេះកាលពី ២ឆ្នាំ ទើបជួបគ្នាលើកនេះ ធ្វើឲ្យការប្រកួតជក់ចិត្ត និងប្ដូរគ្នាខ្លាំងតែម្ដងរវាងអ្នកទាំងពីរនាក់នេះនៅសង្វៀន CNC។

ទេស ជីវ៉ា(ក្រហម)

គេឃើញអ្នកប្រដាល់កម្ពុជារូបនេះ ចូលវ៉ៃតាំងពីទឹកទី១មកម្ល៉េះ ពោលចេញស្នៀតមួយៗធ្ងន់ និងព្យាយាមវ៉ៃចេញរហូតដោយមិនញញើត Tuonpe នោះឡើយ។ ប៉ុន្តែការវ៉ៃចេញនេះ មានត្រូវខ្លះនិងខុសខ្លះ ខណៈអ្នកប្រដាល់ឆ្លងដែនមកពីថៃខាងលើក៏មិនញញើតដូចគ្នា ពោលវ៉ៃសងភ្លាមៗតែម្ដងមិនចាំយូរ ស្របពេលកាន់តែត្រូវកាន់តែដើរចូល។

Tuonpe ឆ្មក់ចេញកណ្ដាប់ដៃធ្ងន់ៗទៅលើក្បាលពោះរបស់ ជីវ៉ា ជារឿយៗ ស្រប់ពេលការប្រកួតចាប់ពីពាក់កណ្ដាលទីទៅ ពួកគេប្ដូរកែងបត់ខ្លាំងៗដាក់គ្នាទៅវិញទៅមក។ ទោះជាខំប្ដូរយ៉ាងណាក៏ដោយ គូជក់ចិត្តនេះមិនមានស្នាមបែកអ្វីឡើយ ហើយដោយភាគីខាងថៃវ៉ៃចំគោលដៅច្រើនជាងក៏ទទួលបានជ័យជម្នះតែម្ដង។

ទេស ជីវ៉ា(ក្រហម)

រំលឹកដែរថា ទេស ជីវ៉ា ធ្លាប់ចាញ់ការប្រកួតសន្លប់ក្រោយថ្វីដៃ Tuonpe ម្ដងហើយកាលពី ២ឆ្នាំមុននេះ។ ជំនួបសងសឹកលើកទី២នេះ អ្នកប្រដាល់របស់កម្ពុជារូបនេះនៅតែចាញ់ពិន្ទុកីឡាករថៃ Tuonpe កាលពីថ្ងៃអាទិត្យ ទី២៣ ខែកញ្ញា ២០១៨ នៅសង្វៀន CNC៕

វីដេអូ៖