ទីតាំងពិសេសៗថតរឿងភាគ "Game of Thrones” នឹងក្លាយជាតំបន់ទេសចរណ៍នៅឆ្នាំក្រោយ

2018-09-25 07:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីតាំងពិសេសៗខ្លះៗ ដែលបានប្រើប្រាស់សម្រាប់ថតរឿងភាគកំពូលល្បី "Game of Thrones” នឹងដាក់ឲ្យទស្សនាដល់សាធារណជននៅឆ្នាំក្រោយ។

កន្លែងដែលមានទេសភាពស្អាតនិងពិសេស គឺ Winterfell នៅក្នុងសាច់រឿង បានថតនៅប្រទេសអៀរឡង់ខាងជើង ហើយពេលនេះក្រុមហ៊ុនទូរទស្សន៍ HBO ចង់រក្សាកេរ្តិ៍ឈ្មោះនិងភាពល្បីល្បាញនៃភាពយន្តនេះ ដោយកែប្រែទីតាំងថតភាពយន្តទៅជាតំបន់ទេសចរណ៍។

ភាពយន្តភាគឈ្នះពានរង្វាន់ជាច្រើនមួយនេះ ទើបតែបញ្ចប់ការថតរដូវកាលចុងក្រោយរួចរាល់ថ្មីៗ ដែលគ្រោងដាក់បញ្ចាំងនៅឆ្នាំក្រោយ។ "Game of Thrones” មានចូលរួមសម្ដែងដោយតារាល្បីៗជាច្រើនប្រចាំហូលីវូដដូចជា Emilia Clarke, Kit Harington, Sophie Turner និង Natalie Dormer ជាដើមបានថតនៅទីតាំងផ្សេងៗនៅប្រទេសអៀរឡង់ខាងជើង អស់រយៈពេលជិត១០ឆ្នាំទៅហើយ។

ដូច្នេះហើយទើបក្រុមហ៊ុនផលិតភាពយន្តមួយនេះ ចង់ចែករំលែកអ្នកគាំទ្រនូវបទពិសោធន៍ក្នុងសាច់រឿងជាច្រើនដូចជា ឈុតសម្លៀកបំពាក់ អាវុធ កន្លែងរៀបចំឆាក និង វត្ថុផ្សេងៗនៅទីតាំងទាំងនោះផងដែរ។

គម្រោងនេះនឹងត្រូវដាក់បើកឲ្យចូលទស្សនាជាផ្លូវការនៅឆ្នាំ ២០១៩ ប៉ុន្តែចំពោះកាលបរិច្ឆេទច្បាស់លាស់គឺមិនទាន់ដឹងនៅឡើយ៕