ផលិតករវ័យក្មេង យូអ៊ីន ចាប់ផ្ដើមវាយលុកទីផ្សារចម្រៀង ខណៈមានតារាវ័យក្មេងច្រើនរូបក្នុងដៃ
- 2018-09-25 08:24:47
- ចំនួនមតិ 0 | ចំនួនចែករំលែក 0
ផលិតករវ័យក្មេង យូអ៊ីន ចាប់ផ្ដើមវាយលុកទីផ្សារចម្រៀង ខណៈមានតារាវ័យក្មេងច្រើនរូបក្នុងដៃ
ចន្លោះមិនឃើញ
ផលិតករវ័យក្មេង យូអ៊ីន ក្រៅពីមានសមត្ថភាពសម្ដែង និងច្រៀងហើយនោះឥឡូវលោក បានផលិតបទចម្រៀងច្រើនបទឲ្យតារាចម្រៀងពន្លកថ្មីប្រុសស្រីច្រើនរូបក្នុងផលិតកម្ម JH ដើម្បីវាយលុកទីផ្សារចម្រៀងនាពេលបច្ចុប្បន្ននេះ។
មូលហេតុផលិតករវ័យក្មេងរូបនេះសង្ឃឹម និងជឿជាក់ថា ផលិតកម្មរបស់ខ្លួនអាចប្រកួតប្រជែងទីផ្សារចម្រៀងជាមួយផលិតកម្មមួយចំនួននៅក្នុងស្រុកបាន ដោយសារតែពេលនេះលោក មានតារាចម្រៀងវ័យក្មេងច្រើនរូបនៅក្នុងដៃដែលមានទឹកដមសំឡេងល្អ អាចច្រៀងបានគ្រប់ទម្រង់មិនថាញាក់កន្ត្រាក់អារម្មណ៍ មនោសញ្ចេតនា ឬ បទពីដើមឡើយ។
លោកថា៖" ឥឡូវហ្នឹងខ្ញុំមានតារាចម្រៀងប្រុសស្រី ៨នាក់ក្នុងផលិតកម្មខ្ញុំ ពួកគាត់សុទ្ធតែមានទឹកដមសំឡេងល្អមិនចាញ់តារាចម្រៀងអាជីពទេ។ បទចម្រៀងដែលត្រៀមចេញក្នុងផលិតកម្មខ្ញុំលើកដំបូងមានទាំង Original Song និង បទចម្លង តែយើងចំលងពីតារាចម្រៀងមុនៗដូចជាលោកតា កែវ សារ៉ាត់ និងលោក យាយ រស់ សេរីសិទ្ធា តែចំលងតែ២ ទៅ៣បទប៉ុណ្ណោះ។ បទក្រោយទៀតOriginal song សុទ្ធហើយបង"។
គួរបញ្ជាក់ថាខណៈពេលនេះផលិតកម្ម យូអ៊ីន បានរៀបចំស្ទូឌីយោសម្រាប់ថតសំឡេង និងផលិតបទចម្រៀងរួចរាល់អស់ហើយ ថែមទាំងបានចេញបទចម្រៀងមួយចំនួនកាលពីពេលថ្មីៗនេះទទួលបានការគាំទ្រពីពុកម៉ែបងប្អូនផងដែរ៕