ចម្លែក! Groot បង្ហាញខ្លួនក្នុង Trailer រឿង "Fantastic Beasts: The Crimes of Grindelwald”?
- 2018-09-26 03:00:00
- ចំនួនមតិ 0 | ចំនួនចែករំលែក 0
ចម្លែក! Groot បង្ហាញខ្លួនក្នុង Trailer រឿង "Fantastic Beasts: The Crimes of Grindelwald”?
ចន្លោះមិនឃើញ
វីដេអូ Trailer ចុងក្រោយពីរឿង "Fantastic Beasts: The Crimes of Grindelwald” ទើបតែបញ្ចេញកាលពីយប់មិញនេះ ដោយពោរពេញទៅដោយឈុតឆាកផ្សេងៗជាច្រើន ក្នុងនោះក៏មានរឿងរ៉ាវខ្លះៗធ្វើឲ្យអ្នកទស្សនាមានចម្ងល់ផងដែរ។
នៅក្នុងឈុតមួយគេសង្កេតឃើញថា តួអង្គ Newt Scamander កំពុងតែបញ្ចេញវេទមន្តជាមួយតួអង្គមួយរូបរាងដូច Groot ពីក្នុងរឿង "Guardians Of The Galaxy” ខ្លាំង។ ក៏ប៉ុន្តែនេះមិនមែនជា Groot ទេ សត្វវេទមន្តនេះមានឈ្មោះថា Mandrake ដែលមានរូបរាងដូចរុក្ខជាតិនិងសត្វបូកបញ្ចូលគ្នា សត្វនេះមានសំឡេងស្រែកឭខ្លាំងនៅពេលពេញវ័យ ដែលអាចធ្វើឲ្យមនុស្សដែលស្ដាប់សំឡេងវាមានគ្រោះថ្នាក់។
ចំពោះចំណុចសំខាន់គួរឲ្យកត់សម្គាល់ផ្សេងទៀតនោះគឺ គេសង្កេតឃើញតួអង្គចិត្តអាក្រក់ Gellert Grindelwald សម្ដែងដោយ Johnny Depp មានឈុតឆាកពិសេសៗយ៉ាងច្រើនក្នុង Trailer នេះ។ ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺ ការបង្ហាញអាថ៌កំបាំងដ៏ធំមួយពីសត្វពស់ Nagini។ Nagini គឺសត្វពស់វេទមន្តជំនិតរបស់តួអង្គ Voldermort ក្នុងសេរីរឿង "Harry Potter” ហើយក្នុងភាពយន្តនេះ Nagini សម្ដែងដោយតួសម្ដែងស្រីសញ្ជាតិកូរ៉េ Claudia Kim ដែលនាងធ្លាប់សម្ដែងក្នុងរឿងល្បីៗនៅហូលីវូដ ដូចជា "Avengers: Age of Ultron” ជាដើម។
បើចង់ដឹងច្បាស់ទស្សនា Trailer ទាំងអស់គ្នា៖