ឡៅ ចន្រ្ទា មិនទាន់ចង់វ៉ៃទម្ងន់ធ្ងន់ចាប់ពី៦៩គីឡូក្រាមឡើងឡើយ

2018-09-26 04:17:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះមកពីក្លឹបឆត្រយោង ៩១១ ឡៅ ចន្រ្ទា បច្ចុប្បន្ននេះទាំងវ័យ សាច់ឈាម និងរួមទាំងបទពិសោធផងនោះពេញចិត្តប្រកួតកក្នុងប្រភេទទម្ងន់ ៦៧គីឡូក្រាម ប៉ុន្តែប្រសិនបើទម្ងន់ឡើងដែលមិនអាចសម្រកបានសុំវ៉ៃក្នុងប្រភេទជាងនេះរហូតដល់៦៩គីឡូក្រាម។

ឡៅ ចន្រ្ទា បានឲ្យដឹងថា ឥលូវនេះទម្ងន់ដែលសមស្របបំផុតសម្រាប់ខ្លួននោះគឺ ៦៧គីឡូក្រាម ដូច្នេះមិនទាន់ចង់លេងទម្ងន់ធ្ងន់ជាងនេះឡើយ។ ទម្ងន់នេះសមល្មមសម្រាប់ខ្លួនប្រកួតមិនលំបាកពេក ហើយក៏មិនស្រួលពេកនោះដែរ។

ម្ចាស់ខ្សែក្រវាត់៣ស្ថាប័នបន្តថា កាលពីថ្ងៃអាទិត្យសប្ដាហ៍មុននោះ រូបគេបានវ៉ៃជំនួសគេក្នុងប្រភេទទម្ងន់៦៩គីឡូក្រាម។ កម្មវិធីសុំឲ្យជួយ ដូច្នេះក៏ដំឡើងទម្ងន់តែម្ដងទៅ នៅពេលក្រោយៗនឹងលេងទម្ងន់ដើមវិញ។ ប្អូនប្រុស ឡៅ ស៊ីណាត ម្នាក់នេះយល់ឃើញថា លេងទម្ងន់កាន់តែធ្ងន់ រឹតតែប៉ះដៃគូខ្លាំងៗ និងភាគច្រើនសុទ្ធតែកីឡាកររឹងៗល្អ ប៉ុន្តែពេលខាងមុខ បើសម្រកទម្ងន់មិនចុះ ត្រូវតែវ៉ៃទម្ងន់ធ្ងន់ ៦៩ ទៅ ៧០គីឡូក្រាមតែម្ដង។

ឡៅ ចន្រ្ទា(ក្រហម)

រំលឹកដែរថា កីឡាករ ឡៅ ចន្រ្ទា ដែលមកពីក្លឹបឆត្រយោង ៩១១ កាលពីសប្ដាហ៍មុននេះ គឺប្រកួតលើប្រភេទទម្ងន់ ៦៩គីឡូក្រាម ជាមួយកីឡាករថៃ កាំឡែផេត។ ចន្រ្ទា ពេលនោះឈ្នះពិន្ទុអ្នកប្រដាល់ឆ្លងដែនខាងលើផងដែរនាជំនួបមិត្តភាពអន្តរជាតិនៅសង្វៀនបាយ័ន៕

វីដេអូ៖