ស្ងាត់ៗ ស៊ិម ស្រីនិច មានអ្នកទិញរថយន្តលួងចិត្ត១គ្រឿង តម្លៃរាប់ម៉ឺនដុល្លារ

2018-09-27 01:54:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ងាត់ៗតារាសម្ដែងវ័យក្មេង ស៊ិម ស្រីនិច មានអ្នកទិញរថយន្តម៉ាក Lexus GS300 2007 តម្លៃជិត៤ ម៉ឺនដុល្លារអាមេរិកជាកាដូលួងចិត្ត ក្រោយពីនាង ចាកចេញពីផ្ទះមករស់នៅខុនដូម្នាក់ឯងរយៈពេល ២ឆ្នាំនេះ។

ស៊ិម ស្រីនិច ថា រថយន្តLexus GS 300 ស៊េរីឆ្នាំ 2007 តម្លៃ ៣៦ ០០០ដុល្លារអាមរិក (បីម៉ឺនប្រាំមួយពាន់ដុលលារ) នេះគឺអ្នកម្ដាយជាអ្នកទិញឲ្យក្នុងគោលបំណងលើកទឹកចិត្តដល់កូនស្រីឲ្យជោគជ័យក្រោយប្រឡូកសិល្បៈ និងបានចាកចេញពីផ្ទះរយៈពេល២ឆ្នាំ។ ត្បិតកន្លងមកអ្នកម្ដាយរូបនេះបានហាមប្រាមមិនឲ្យកូនស្រីចូលប្រឡូកសិល្បៈក្ដី តែពេលនេះលែងប្រកាន់ខឹងតទៅទៀតហើយ។

នាងថា៖"ពីមុនម៉ាក់ គាត់មិនឲ្យខ្ញុំចូលសិល្បៈទេបង គាត់ខឹងខ្ញុំមិនដឹងធ្វើយ៉ាងម៉េចចង់បំពេញក្ដីស្រមៃខ្លួនខ្ញុំមានតែចេញពីផ្ទះមកនៅ ខុនដូតែម្ដងទៅ។ តែឥឡូវគាត់ឈប់ខឹងខ្ញុំហើយ ហើយក៏ឈប់ទាមទារឲ្យខ្ញុំទៅនៅផ្ទះដែរ"។

ការដូរថយន្តមួយគ្រឿងតម្លៃជិត ៤ម៉ឺនដុល្លារអាមេរិកនេះ ស៊ិម ស្រីនិច សូមអរគុណដល់អ្នកម្ដាយ និងសូមជូនពរឲ្យអ្នកមានគុណមានសុខភាពល្អបរិបូរណ៍អាយុវែងប្រកបកិច្ចការងារអ្វីជោគជ័យទាំងអស់៕