PSG និង Juventus ឈ្នះ៧ប្រកួតជាប់គ្នាក្នុងលីគ បង្កើតកំណត់ត្រាល្អដូចគ្នា
- 2018-09-27 02:13:49
- ចំនួនមតិ 0 | ចំនួនចែករំលែក 0
PSG និង Juventus ឈ្នះ៧ប្រកួតជាប់គ្នាក្នុងលីគ បង្កើតកំណត់ត្រាល្អដូចគ្នា
ចន្លោះមិនឃើញ
Paris St-Germain បានយកឈ្នះ Reims ក្នុងលទ្ធផល៤-១ កាលពីយប់មិញ ក្លាយជាក្រុមទី៤ដែលឈ្នះបើករដូវកាល៧ប្រកួតជាប់គ្នាក្នុង Ligue 1។
ជ័យជម្នះនេះ Edinson Cavani រកបាន២គ្រាប់ម្នាក់ឯង ខណៈ Neymar និង Thomas Meunier ធ្វើបានម្នាក់១គ្រាប់។ ចំណែកខាង Reims គឺកីឡាករ Xavier Chavalerin ជាអ្នកទាត់បញ្ចូលទី។ ក្រៅពី PSG មានក្រុម Olympique Lillois, Lille និង Monaco ដែលធ្លាប់ឈ្នះបើករដូវកាល៧ប្រកួតជាប់គ្នា។
ក្រឡេកមើល Juventus ក៏មិនអន់ យប់មិញពួកគេក៏បានឈ្នះបើករដូវកាល៧ប្រកួតជាប់គ្នាដែរក្នុង Serie A បន្ទាប់ពីបំបាក់ Bologna ២-០ ដែលជាកំណត់ត្រាចាប់ផ្ដើមរដូវកាលល្អបំផុតក្នុងរយៈពេល៨៨ឆ្នាំ។
ក្នុងប្រកួតនេះតារាឆ្នើម Cristiano Ronaldo មិនអាចរកឃើញគ្រាប់ទី៤ក្នុងលីគរបស់ខ្លួនទេ។ តែ Paulo Dybala និង Blaise Matuidi ជាអ្នករកគ្រាប់បាល់ជួយឲ្យ Juventus បន្តឈរកំពូលតារាង Serie A ដាច់ក្រុម Napoli ៣ពិន្ទុ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
