បន្ទាប់ពីទាក់ទងគ្នា២ឆ្នាំពេលនេះទើប Katy Perry និង Orlando Bloom បង្ហាញខ្លួនជាមួយគ្នាផ្លូវការ
- 2018-09-27 11:30:00
- ចំនួនមតិ 0 | ចំនួនចែករំលែក 0
បន្ទាប់ពីទាក់ទងគ្នា២ឆ្នាំពេលនេះទើប Katy Perry និង Orlando Bloom បង្ហាញខ្លួនជាមួយគ្នាផ្លូវការ
ចន្លោះមិនឃើញ
តារាចម្រៀង Katy Perry និងតារាសម្ដែង Orlando Bloom ចាប់ផ្ដើមទាក់ទងគ្នាតាំងពីឆ្នាំ ២០១៦ មកម្ល៉េះ ប៉ុន្តែអ្នកទាំងពីរមិនដែលបានចូលរួមកម្មវិធីធំៗជាមួយគ្នានោះទេ។ ទើបតែពេលនេះ ពួកគេបានចូលរួមកម្មវិធី Gala Ocean ជាមួយគ្នានៅប្រទេសម៉ូណាកូ កាលពីថ្ងៃពុធម្សិលមិញនេះ ហើយមិនអាចបញ្ឈប់បង្ហាញសកម្មភាពស្និទ្ធស្នាលជាមួយគ្នាទាល់តែសោះ។
គ្រាន់តែមកដល់ទីតាំងកម្រាលព្រំកម្មវិធីភ្លាម អ្នកទាំងពីរខ្សឹបខ្សៀវជាមួយគ្នា យ៉ាងស្និទ្ធស្នាលមើលទៅគួរឲ្យស្រលាញ់។ គូសបញ្ជាក់ដែរថាអ្នកទាំងពីរ ជួបគ្នាដំបូងតាំងពីខែមករាឆ្នាំ ២០១៦ មកម្ល៉េះ ប៉ុន្តែមិនសូវជាបានបង្ហាញខ្លួននៅកម្មវិធីធំៗសំខាន់ៗជាមួយគ្នាប៉ុន្មានទេ។ មុននឹងជួបគ្នា អ្នកទាំងពីរសុទ្ធតែធ្លាប់រៀបការរួចទៅហើយ ដែល Katy Perry បានរៀបការជាមួយតារាកំប្លែង Russell Brand និង Orlando Bloom ធ្លាប់រៀបការជាមួយតារាម៉ូដែល Miranda Ker៕