ចិនឆ្លើយតប ក្រោយលោកត្រាំចោទរឿងជ្រៀតជ្រែកការបោះឆ្នោតពាក់កណ្ដាលអាណត្តិ

2018-09-27 13:49:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយរងការចោទប្រកាន់អំពីសំណាក់ប្រធានាធិបតីសហរដ្ឋអាមេរិកលោក ដូណាល់ ត្រាំ ប្រមុខការទូតចិនបានឆ្លើយតប។

ក្នុងកិច្ចប្រជុំក្រុមប្រឹក្សាសន្តិសុខ រដ្ឋមន្ត្រីក្រសួងការបរទេសលោក Wang Yiបានទាត់ចោលការចោទប្រកាន់របស់លោកដូណាល់ ត្រាំ ហើយអំពាវនាវឲ្យមានការគោរពគោលការណ៍មិនលូកដៃជ្រៀតជ្រែកក្នុងកិច្ចការផ្ទៃក្នុង។ លោកបានថ្លែងថា៖ "យើងមិនបាន ហើយនឹងមិនលូកដៃជ្រៀតជ្រែកកិច្ចការផ្ទៃក្នុងរបស់ប្រទេសណាមួយឡើយ ហើយយើងនឹងមិនទទួលយកទេនូវការចោទប្រកាន់ផ្សេងៗដោយគ្មានមូលដ្ឋានមកលើប្រទេសចិន"។

ប្រមុខការទូតរូបនេះ បានបន្ត៖ "យើងអំពាវនាវឲ្យប្រទេសដទៃគោរពធម្មនុញ្ញរបស់អង្គការសហប្រជាជាតិ ដែលបានហាមនូវការលូកដៃជ្រៀតជ្រែកកិច្ចការផ្ទៃក្នុងរបស់ប្រទេសនីមួយៗ"។

ការឆ្លើយតបធ្វើឡើងក្រោយ លោកត្រាំបានចោទចិនថា កំពុងព្យាយាមជ្រៀតជ្រែកការបោះឆ្នោតពាក់កណ្ដាលអាណត្តិរបស់សហរដ្ឋអាមេរិក។

សូមបញ្ជាក់ផងដែរថា អាមេរិកនឹងមានការបោះឆ្នោតពាក់កណ្ដាលអាណត្តិនៅថ្ងៃទី ៦ វិច្ឆិកាខាងមុខនេះ៕

ប្រភព៖ CGTN អត្ថបទ៖ សេរី មង្គល