ជក់ចិត្តបែកផ្សែងសប្ដាហ៍នេះ Liverpool សងសឹក Chelsea ឯ Real ជួប Atletico
- 2018-09-28 04:20:22
- ចំនួនមតិ 0 | ចំនួនចែករំលែក 0
ជក់ចិត្តបែកផ្សែងសប្ដាហ៍នេះ Liverpool សងសឹក Chelsea ឯ Real ជួប Atletico
ចន្លោះមិនឃើញ
សម្រាប់អ្នកស្នេហាវិស័យបាល់ទាត់សប្ដាហ៍នេះនឹងសប្បាយភ្នែកទៀតហើយ ដោយសារតែលីគកំពូលនៅអឺរ៉ូប៣ មានក្រុមខ្លាំងៗប៉ះគ្នា។
នៅ Premier League ដែលឈានចូលសប្ដាហ៍ទី៧ក្លឹបហង្សក្រហម Liverpool ត្រូវហោះទៅសងសឹក Chelsea ក្នុងទីក្រុងឡុងដ៏។ កាលពីដើមសប្ដាហ៍ក្រុមទាំងពីរទើបតែជួបគ្នាទេ ដោយពេលនោះ Chelsea បានទម្លាក់ Liverpool ចេញពី League Cup ទាំងឈឺចាប់ត្រឹមជុំទី៣។ ក្នុងការប្រកួតក្រុម លោក Klopp ជាអ្នកនាំមុខមុន តែចុងក្រោយ Chelsea វាយបកបានពីរគ្រាប់វិញទទួលបានជ័យជម្នះ២-១។
ងាកទៅកាន់ La Liga ក៏មិនធម្មតា ក្រុមលេខ២ក្នុងតារាងពិន្ទុ Real Madrid ត្រូវស្វាគមន៍ក្រុម៣ Atletico Madrid។ ដោយសារតែក្រុមទាំងពីរស្ថិតក្នុងទីក្រុងតែមួយ គេបានឲ្យឈ្មោះការប្រកួតនេះថា Madrid Derby។ កាលពីដើមសប្ដាហ៍នេះ Real ទើបតែចាញ់ធ្ងន់កក្រោមស្នៀតរបស់ Sevilla ៣-០ ខណៈ Atletico ឈ្នះ Huesca ៣-០។ ដូច្នេះទាំង Real និង Atletico ត្រូវការឈ្នះដូចគ្នាដើម្បីប្រដេញពិន្ទុជាមួយ Barcelona ដែលកំពុងឈរកំពូលតារាង។
នៅ Serie A វិញក៏កក្រើកដូចគ្នាគឺ Juventus តទល់នឹង Napoli។ បើករដូវកាល៦ប្រកួតក្រុមសេះបង្កង់មិនទាន់ស្គាល់ថាចាញ់ទេ កំពុងឈរកំពូលតារាងពិន្ទុ Serie A ឯ Napoli នៅលេខពីរ ៦ប្រកួតទើបតែចាញ់១ប្រកួតប៉ុណ្ណោះ។ ចំពោះប្រកួតនេះជឿជាក់ថា មានអ្នកចាំទស្សនាច្រើនព្រោះគេចង់ឃើញទឹកជើងរបស់ Cristiano Ronaldo។
បញ្ជាក់ថា៖ ការប្រកួតទាំង៣គូនេះនឹងលេងនៅថ្ងៃសៅរ៍ដូចគ្នា៕