Klopp ប្រាប់ថា នឹងមិនឲ្យ Hazard មានបាល់លេងនៅ Stamford Bridge ឡើយ
- 2018-09-29 04:11:55
- ចំនួនមតិ 0 | ចំនួនចែករំលែក 0
Klopp ប្រាប់ថា នឹងមិនឲ្យ Hazard មានបាល់លេងនៅ Stamford Bridge ឡើយ
ចន្លោះមិនឃើញ
លោក Jurgen Klopp បានលើកឡើង Liverpool នឹងធ្វើឲ្យ Eden Hazard គ្មានបាល់លេងក្នុងកីឡដ្ឋាន Stamford Bridge នៅយប់ថ្ងៃសៅរ៍នេះម៉ោង១១:៣០នាទី។
Hazard បានបង្ហាញសមត្ថភាពរបស់ខ្លួនយ៉ាងអស្ចារ្យកាលពីពាក់កណ្ដាលសប្ដាហ៍នេះ បន្ទាប់ពីផ្លាស់ប្ដូរចូលក្នុងវគ្គទីពីររកគ្រាប់បាល់ឲ្យ Chelsea ទម្លាក់ Liverpool ចេញពី League Cup។ យ៉ាងណាក្ដីការជួបគ្នាលើកទីពីរមិនដល់មួយសប្ដាហ៍នេះ Klopp ថា Liverpool នឹងមិនផ្លាស់ប្ដូរការលេងរបស់ពួកគេ ដើម្បីរារាំង Hazard ឲ្យជាប់។
Liverpool ធ្លាប់ធ្វើបានល្អកាលពី៤សប្ដាហ៍មុនឈ្នះក្រុមខ្លាំង Spurs ក្រៅដី ហើយ Kloop ចង់ឲ្យក្រុមទាំងមូលព្យាយាមវាយសម្រុកដូចការប្រកួតខាងលើ។ អ្នកចាត់ការសញ្ជាតិអាល្លឺម៉ង់បានរំឭកថា Hazard ជាកីឡាករមានការបត់បែនល្អនិងនាំលេង ដូច្នេះត្រូវចាប់ឲ្យជាប់កុំឲ្យមានបាល់លេង៕