កូរ៉េខាងជើងគំរាមថានឹងមិនដកនុយក្លេអ៊ែរ ប្រសិនបើអាមេរិកនៅបន្ដធ្វើរឿង១
- 2018-09-30 03:38:36
- ចំនួនមតិ 0 | ចំនួនចែករំលែក 0
កូរ៉េខាងជើងគំរាមថានឹងមិនដកនុយក្លេអ៊ែរ ប្រសិនបើអាមេរិកនៅបន្ដធ្វើរឿង១
ចន្លោះមិនឃើញ
រដ្ឋមន្ត្រីក្រសួងការបរទេសកូរ៉េខាងជើង បានព្រមានថាវាគ្មានផ្លូវទេដែលប្រទេសរបស់លោកដកនុយក្លេអ៊ែរនោះ ខណៈពេលដែលអាមេរិកនៅតែបន្ដដាក់ទណ្ឌកម្ម។
លោក Ri Yong-ho រដ្ឋមន្ត្រីក្រសួងការបរទេសកូរ៉េខាងជើង បានថ្លែងទៅកាន់មហាសន្និបាតអង្គការសហប្រជាជាតិថា ទណ្ឌកម្មរបស់អាមេរិកបានធ្វើឲ្យកូរ៉េខាងជើងបាត់បង់ទំនុកចិត្តទៅលើមហាអំណាចមួយនេះ។ រដ្ឋាភិបាលក្រុងព្យុងយ៉ាង តែងអំពាវនាវដល់អង្គការសហប្រជាជាតិ និងសហរដ្ឋអាមេរិក សម្រាប់ការដកទណ្ឌកម្មពីប្រទេសរបស់ខ្លួន និងទទួលបានការគាំទ្រពីរស្ស៊ី និងចិនទៀតផង។ ប៉ុន្តែប្រធានាធិបតីអាមេរិកលោកដូណាល់ ត្រាំ និយាយថាទណ្ឌកម្មនេះគួរតែនៅបន្ដរហូតដល់ពេលដែលកូរ៉េខាងជើងដកនុយក្លេអ៊ែរ។
គួរឲ្យដឹងថា ប្រធានាធិបតីដូណាល់ ត្រាំ និងមេដឹកនាំកូរ៉េខាងជើងគីម ជុងអ៊ុន បានពិភាក្សាគ្នាក្នុងជំនួបកំពូលមួយកាលពីខែមិថុនាពាក់ព័ន្ធនឹងការដកនុយក្លេអ៊ែរ។ ប៉ុន្តែក្រោយពេលកិច្ចប្រជុំត្រូវបានបញ្ចប់ គេសង្កេតឃើញថាដំណើរការដកនុយក្លេអ៊ែរនៅមានភាពយឺតយ៉ាវនៅឡើយ៕
ចុចអាន ៖
គីម ជុងអ៊ុន ថតរូបប្រើស្ទីលខ្វែងម្រាមដៃកំពុងល្បី ធ្វើឲ្យគ្រប់គ្នាភ្ញាក់ផ្អើល
អាមេរិក បង្ហាញកាលបរិច្ឆេទច្បាស់ៗ នៃការលុបបំបាត់នុយក្លេអ៊ែររបស់កូរ៉េខាងជើង