Ronaldo ត្រៀមប្ដឹងបករឿងគេចោទថារំលោភនារីអាមេរិក
- 2018-10-01 00:55:50
- ចំនួនមតិ 0 | ចំនួនចែករំលែក 0
Ronaldo ត្រៀមប្ដឹងបករឿងគេចោទថារំលោភនារីអាមេរិក
ចន្លោះមិនឃើញ
Cristiano Ronaldo បានច្រានចោលព័ត៌មានដែលចោទប្រកាន់រូបគេថាបានរំលោភស្ត្រីជនជាតិអាមេរិកម្នាក់កាលពីឆ្នាំ២០០៩។
ក្នុងវីដេអូលើគណនី Instagram ខ្សែប្រយុទ្ធ Juventus បាននិយាយថា ព័ត៌មានទាំងនោះគឺជាកុហកសុទ្ធសាធហើយថាស្ថាប័នដែលផ្សាយនោះគ្រាន់តែចង់ប្រើឈ្មោះខ្លួនដើម្បីប្រជាប្រិយភាពប៉ុណ្ណោះ។
ឆ្លើយតបការចោទប្រកាន់មេធាវីបាននិយាយថា Ronaldo បានត្រៀមប្ដឹងរួចរាល់ហើយទៅទស្សនាវដ្ដីឈ្មោះ Der Spiegel របស់អាល្លឺម៉ង់ដែលជាអ្នកផ្សាយព័ត៌មានខាងលើដំបូងបំផុត។ Der Spiegel បានសរសេរថាស្ត្រីឈ្មោះ Kathryn Mayorga បានចោទ Ronaldo រំលោភនាងក្នុងបន្ទប់សណ្ឋាគារមួយក្នុងទីក្រុង Las Vegas។
កាលណោះ Mayorga បានប្ដឹងទៅប៉ូលិសក្នុងតំបន់ ហើយនៅឆ្នាំ២០១០នាងបានព្រមទទួលលុយចំនួន៣៧៥០០០ដុល្លារអាមេរិកជាថ្នូរនឹងការមិនទម្លាយព័ត៌មានជាសាធារណ៕