រឿង សោភ័ណ្ឌ ៖ ខ្ញុំសន្យា បើមកវៃនៅភូមាម្ដងទៀត ចាញ់ ខ្ញុំឈប់ជាន់ទឹកដីភូមា១ជីវិត
- 2018-10-01 01:58:07
- ចំនួនមតិ 0 | ចំនួនចែករំលែក 0
រឿង សោភ័ណ្ឌ ៖ ខ្ញុំសន្យា បើមកវៃនៅភូមាម្ដងទៀត ចាញ់ ខ្ញុំឈប់ជាន់ទឹកដីភូមា១ជីវិត
ចន្លោះមិនឃើញ
អ្នកលេងគុនខ្មែរ រឿង សោភ័ណ្ឌ បានចាញ់កីឡាករភូមា ដោយអាជ្ញាកណ្ដាលបញ្ឈប់នៅទឹក៣ នាការប្រកួតកាលពីពេលកន្លងទៅនេះ។
អ្នកគាំទ្រនៅកម្ពុជាជាច្រើននាក់មិនអស់ចិត្តនឹងលទ្ធផលនោះឡើយ ដោយពួកគេបានគិតថា សមណាស់កីឡាករកម្ពុជាជាជាអ្នកឈ្នះ ប៉ុន្តែបែរជាមិនអាចឈ្នះ ដោយសារកម្លាំងមិនដល់គេទៅវិញ។ ដោយឡែក សូម្បី រឿង សោភ័ណ្ឌ ផ្ទាល់ ក៏បញ្ជាក់ថាខ្លួនអស់ត្រឹមទឹក៣នេះដែរ ទើបមិនអាចផ្ដួលកីឡាករភូមា នោះបាន។ ដោយការអស់នេះ ព្រោះ រូបគេត្រូវធ្វើគីឡូខ្លាំងមែនទែន មុនការប្រកួត ដោយមិនបានញ៉ាំបាយឡើយ។
ជាមួយគ្នានេះដែរ អ្នកប្រដាល់កម្រិតកំពូលរបស់កម្ពុជាខាងលើ បាននិយាយសន្យាថា ប្រសិនបើមានឱកាសមកវាយម្ដងទៀត នឹងមិនឱ្យបាក់មុខទៀតទេ។ ហើយប្រសិនបើវាយចាញ់ម្ដងទៀតនោះ រូបគេនឹងឈប់មកជាន់ទឹកដីភូមានេះរហូតហើយ។ យ៉ាងណាមិញ ក្រោយពីចប់ការប្រកួតនេះទៅ រឿង សោភ័ណ្ឌ នឹងត្រូវសម្រាកច្រើនខែសិន ដើម្បីព្យាបាលរបួសដៃរបស់ខ្លួន៕