Huawei Mate 20 ស៊ីដាច់គូប្រជែង Android គ្នាឯង តែនៅមិនអាចបំបាក់ iPhone បាន
- 2018-10-02 02:06:13
- ចំនួនមតិ 0 | ចំនួនចែករំលែក 0
Huawei Mate 20 ស៊ីដាច់គូប្រជែង Android គ្នាឯង តែនៅមិនអាចបំបាក់ iPhone បាន
ចន្លោះមិនឃើញ
ស្មាតហ្វូន Huawei មួយម៉ូដែលដែលមានកូដឈ្មោះ LYA-L29 ត្រូវបានគេប្រទះឃើញលេចមុខលើប្រព័ន្ធធ្វើតេស្តម៉ាស៊ីន Geekbench ដែលដំណើរការដោយ Android 9 Pie និងមាន RAM ទំហំ ៦ GB។
ជាមួយពិន្ទុខ្ពស់ និងប្រើប្រព័ន្ធប្រតិបត្តិការជំនាន់ចុងក្រោយបែបនេះ គេជឿជាក់ថានេះជា Huawei Mate 20 ឬ Mate 20 Pro ដែលស្មាតហ្វូនទាំងពីរនឹងប្រើប្រាស់បន្ទះឈីប Kirin 980 ដំបូងគេ។ បន្ទះឈីបជំនាន់ចុងក្រោយនេះ ជួយឲ្យ Mate 20 អាចទទួលបានពិន្ទុ ៣៣៩០ លើដំណើរការ Single-Core និង ១០៣១៨ ពិន្ទុលើដំណើរការ Multi-Core។
ពិន្ទុរបស់ Mate 20 គឺបានវ៉ាដាច់ស្មាតហ្វូន Android ខ្លាំងៗដែលជាគូប្រជែងរួមមាន Galaxy Note 9 និង OnePlus 6 ជាដើម។ យ៉ាងណាក្ដីវានៅតែមិនអាចយកឈ្នះបន្ទះឈីប A12 Bionic លើ iPhone XS នៅឡើយទេ។
iPhone XS អាចទទួលបានពិន្ទុរហូតដល់ ៤៧៩៥ លើដំណើរការ Single-Core និងបានពិន្ទុ ១១១៧០ លើដំណើរការ Multi-Core។ យ៉ាងណាពិន្ទុនៃ Geekbench មិនអាចបញ្ជាក់ពីល្បឿននៃការប្រើប្រាស់ជាក់ស្ដែងនោះទេ ហើយ Mate 20 នៅជាស្មាតហ្វូនមិនទាន់ប្រកាសចេញផ្លូវការនៅឡើយទេ។
Mate 20 និង Mate 20 Pro នឹងត្រូវបង្ហាញខ្លួនជាផ្លូវការនៅថ្ងៃទី ១៦ ខែតុលា ខាងមុខ ដោយជឿជាក់ថានឹងមានបំពាក់កាមេរ៉ាក្រោយរហូតដល់បីគ្រាប់ដូចជា P20 Pro ដែរ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
