រិន សារ័ត្ន ត្រៀមខ្លួនរួចហើយសម្រាប់បង្ហាញមុខក្នុងកម្មវិធី One Championship លើកទី៥
- 2018-10-02 03:48:13
- ចំនួនមតិ 0 | ចំនួនចែករំលែក 0
រិន សារ័ត្ន ត្រៀមខ្លួនរួចហើយសម្រាប់បង្ហាញមុខក្នុងកម្មវិធី One Championship លើកទី៥
ចន្លោះមិនឃើញ
អ្នកប្រដាល់ក្បាច់គុនចម្រុះរបស់កម្ពុជា រិន សារ័ត្ន បានត្រៀមខ្លួនរួចរាល់ហើយ សម្រាប់ការបង្ហាញខ្លួនជាលើកទី៥ នៃកម្មវិធីលំដាប់ពិភពលោក One Championship នៅឯប្រទេសថៃនាថ្ងៃទី៦ តុលា ឆ្នាំ២០១៨ ខាងមុខនេះ។
រិន សារ័ត្ន ប្រាប់ឲ្យដឹងថា បន្ទាប់ពីទទួលដំណឹងតាំងពីចុងខែកក្កដារួចមកថានឹងបានឡើងប្រកួត ខ្លួនក៏ចាប់ផ្ដើមហ្វឹកហាត់រហូតដល់បច្ចុប្បន្ននេះ។ សម្រាប់ការហ្វឹកហាត់ត្រៀមខ្លួនលើកនេះ គឺបានល្អ និងមានរយៈពេលប្រហែលជាង១ខែផងដែរ។
ទាំងកម្លាំង និងស្នៀតប្រយុទ្ធ ក្បាច់ឃ្លេ គឺអាចថាត្រៀមបានល្អ ហើយរំពឹងនឹងធ្វើបានល្អជាថ្មីទៀតដូចប៉ុន្មានប្រកួតចុងក្រោយដែលធ្លាប់ឈ្នះអញ្ចឹង។ អ្វីដែលបារម្ភនោះគឺខ្លាចចាញ់កម្លាំងដៃគូបន្តិចនៅទឹកទី១ ប៉ុន្តែឲ្យតែអាចទប់ពីការចូលចាប់ ឬចូលវាយនៅទឹកនេះបានហើយ មិនសូវជាបញ្ហានោះឡើយនៅទឹកបន្ទាប់ទៀត ព្រោះស្នៀតប្រយុទ្ធក្បាច់ឃ្លេគឺប្រហាក់ប្រហែលគ្នាអាចស៊ីសងបាន។
រិន សារ័ត្ន ជាអ្នកប្រដាល់ក្បាច់គុនចម្រុះរបស់កម្ពុជាស្ថិតនៅក្នុងក្លឹប Cambodian Top Team គេនឹងត្រូវចាកចេញទៅប្រទេសថៃថ្ងៃនេះហើយ ដើម្បីទៅចូលរួមប្រកួតក្នុងកម្មវិធី One Championship។ អ្នកលេងគុនខ្មែរខាងលើនេះធ្លាប់បង្ហាញក្នុងកម្មវិធីលំដាប់ពិភពលោក One Championship ៤ដងមកហើយ គឺឈ្នះ២ និងចាញ់២ដង៕