សង្វៀន ONE រៀបចំការប្រកួតខ្សែក្រវាត់ WBCលើកដំបូងចុងសប្តាហ៍នេះ
- 2018-10-02 07:23:38
- ចំនួនមតិ 0 | ចំនួនចែករំលែក 0
សង្វៀន ONE រៀបចំការប្រកួតខ្សែក្រវាត់ WBCលើកដំបូងចុងសប្តាហ៍នេះ
ចន្លោះមិនឃើញ
សង្វៀនប្រដាល់គុនចម្រុះដ៏ធំនៅអាស៊ី ONE Championship នឹងរៀបចំការប្រកួតប្រដាល់សកលពិភពលោកជាលើកដំបូងនៅចុងសប្តាហ៍នេះនៅពេលម្ចាស់ខ្សែក្រវាត់ពិភពលោក Srisaket Sor Rungvisai ដាក់ខ្សែក្រវាត់វ៉ៃការពារទល់នឹងអ្នកដណ្តើមកីឡាករម៉ិកស៊ីកូ Diaz នៅកីឡដ្ឋាន Impact Arena ក្នុងទីក្រុងបាងកក ថ្ងៃទី៦ ខែតុលា។
កីឡាករម្ចាស់ថៃ Rungvisai ដែលត្រូវការពារខ្សែក្រវាត់បាននិយាយថា ៖«ក្រោយហ្វឹកហាត់ដិតដល់មក ខ្ញុំត្រៀមខ្លួនហើយសម្រាប់ថ្ងៃសៅរ៍នេះ។ វ៉ៃចំពោះមុខអ្នកគាំទ្រ និងពលរដ្ឋថៃ វាពិតជាមហាកិត្តិយសសម្រាប់ខ្ញុំ។ ខ្ញុំលះបង់គ្រប់យ៉ាងណាដើម្បីការពារខ្សែក្រវាត់ឲ្យបានសម្រេច។ ពេលពេលវេលានិយាយកន្លងហួសហើយ។ វាជាពេលបង្ហាញកណ្តាប់ដៃ។
អ្នកលេងកណ្តាប់ប្រាថ្នាខ្សែក្រវាត់ WBC ជនជាតិម៉ិកស៊ីកូ Iran Diaz បានលើកឡើងថា ៖«ខ្ញុំមិនហាត់ខ្លាំងដូចលើកនេះ ព្រោះដឹងថា ខ្សែក្រវាត់សំខាន់សម្រាប់អាជីពខ្ញុំ។ ខ្ញុំដឹងថា គេ (Rungvisai)ជាកំពូលវីរបុរសរបស់ថៃ តែខ្ញុំជឿលើកណ្តាប់ដៃរបស់ខ្ញុំដែលយកខ្សែក្រវាត់ពីគេបាន»។
ជើងខ្លាំង Rungvisai ធ្លាប់ប្រកួតបាន៥១ដង ក្នុងនោះឈ្នះ៤៦ (ឈ្នះសន្លប់៤០ដង) ស្មើ១ដង និងចាញ់៤ ខណៈកីឡាករម៉ិកស៊ីកូ Iran Diaz មិនសូវមានបទពិសោធច្រើនឡើយដោយធ្លាប់ប្រកួតបាន១៩ដងក្នុងនោះឈ្នះ១៤ដង (ឈ្នះសន្លប់៦ដង) ស្មើ៣ដង និងចាញ់២ដង។ នេះជាលើកទី១ហើយដែលសង្វៀន ONE រៀបចំការប្រកួតប្រដាល់សកល បន្ទាប់ពីបង្កើតឡើងតាំងពីឆ្នាំ២០១១៕