"Wiang Kum Kam” មិនទាន់ថតផង Pope និង Bella ត្រូវផលិតករកក់ទុកឲ្យសម្ដែងរឿងថ្មី១ទៀតបាត់
- 2018-10-03 02:30:00
- ចំនួនមតិ 0 | ចំនួនចែករំលែក 0
"Wiang Kum Kam” មិនទាន់ថតផង Pope និង Bella ត្រូវផលិតករកក់ទុកឲ្យសម្ដែងរឿងថ្មី១ទៀតបាត់
ចន្លោះមិនឃើញ
បន្ទាប់ពីរឿងភាគបុរាណ "បុព្វេសន្និវាស” បានបញ្ចប់ តារាសម្ដែង Pope Thanawat និង Bella Ranee ក៏ត្រូវផលិតករកក់ទុកឲ្យសម្ដែងក្នុងរឿងភាគថ្មីមានចំណងជើងថា "Wiang Kum Kam” ប៉ុន្តែមិនទាន់បានសម្ដែងផង ពេលនេះពួកគេក៏ត្រូវប៉ាន់គម្រោងថ្មីមួយទៀតស្រេច។
ភាពយន្តភាគមានចំណងជើងថា "Poo Yai Lee Gub Nang Ma” គឺជាខ្សែភាពយន្តដែលផលិតដំបូងកាលពីឆ្នាំ ១៩៧១។ តួសម្ដែងពេលនោះគឺ លោក Mechai Viravaidya និងលោកស្រី Panit Kantamra។ វាត្រូវបានលើកយកមកផលិតជាថ្មីចំនួន ៦ដងទៅហើយ ហើយចុងក្រោយគឺនៅឆ្នាំ ២០០៩ ដែលសម្ដែងដោយអតីតតារាសម្ដែង Por Trissadee និង Ploy Cherman។
ផ្អែកតាមវិបសាយ Daradaily បានបង្ហាញថា ទូរទស្សន៍ប៉ុស្តិ៍លេខ ៣នឹងថតរឿងនេះជាថ្មីម្ដងទៀត។ រីឯតួឯកវិញ អាចជា Pope Thanawat និង Bella Ranee។ ទោះជាយ៉ាងណា គម្រោងនេះអាចមានការផ្លាស់ប្ដូរ ទៅតាមស្ថានភាពជាក់ស្ដែងណាមួយ ម្យ៉ាងការសម្រេចផ្លូវការក៏ខាងប៉ុស្តិ៍ទូរទស្សន៍នេះមិនទាន់បញ្ជាក់ដែរ។
សម្រាប់ក្រុមការងារផលិតរឿងនេះដែរ ក៏ជាក្រុមការងាររបស់រឿង "បុព្វេសន្និវាស” ដែរ។ ដូចនេះវារឹតតែពិសេស និងជាចំណីចក្ខុប្លែកមួយទៀតសម្រាប់អ្នកតាមដានទាំងអស់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
