មកស្គាល់តារាហូលីវូដ Noah Centineo កំពុងឆក់យកបេះដូងនារីៗទូទាំងពិភពលោក
- 2018-10-03 05:05:00
- ចំនួនមតិ 0 | ចំនួនចែករំលែក 0
មកស្គាល់តារាហូលីវូដ Noah Centineo កំពុងឆក់យកបេះដូងនារីៗទូទាំងពិភពលោក
ចន្លោះមិនឃើញ
តារាសម្ដែង Noah Centineo ចាប់ផ្ដើមល្បីខ្លាំងតាមរយៈការសម្ដែងជាតួអង្គ Peter នៅក្នុងរឿង "To All the Boys I've Loved Before” របស់កម្មវិធីមើលភាពយន្តល្បីឈ្មោះ Netflix។ ពេលនេះ Noah បានក្លាយជាតារាប្រុសម្នាក់ដែលត្រូវនារីៗជាច្រើនទូទាំងពិភពលោកលង់ស្នេហ៍ដកចិត្តមិនរួច ហើយមានអ្នកតាមដាន (Follow) នៅបណ្ដាញសង្គម Instagram ដល់ទៅជាង១៣លាននាក់ ដោយសារតែសម្រស់ដ៏ស្រស់សង្ហានិងស្នាមញញឹមគួរឲ្យទាក់ទាញរបស់លោក។
Noah មានឈ្មោះពេញថា Noah Gregory Centineo ជាជនជាតិអាមេរិកកើតនៅថ្ងៃទី ៩ខែឧសភាឆ្នាំ ១៩៩៦ អាយុ២២ឆ្នាំ និងមានដើមកំណើតពីទីក្រុង Miami រដ្ឋហ្លរីដាសហរដ្ឋអាមេរិក។ តារារូបនេះចាប់ផ្ដើមប្រឡូកចូលក្នុងវិស័យសម្ដែងតាំងពីឆ្នាំ ២០០៩ មកម្ល៉េះប៉ុន្តែទើបតែត្រូវគេចាប់អារម្មណ៍ខ្លាំងនៅឆ្នាំ ២០១៨។
ភាពយន្តផ្ដាច់មុខរបស់ Netflix “To All the Boys I've Loved Before” គឺជាភាពយន្តដែល Noah ចាប់ផ្ដើមល្បីខ្លាំងនឹកស្មានមិនដល់ ដោយសម្ដែងជាមួយតារាសម្ដែង សញ្ជាតិវៀតណាមអាមេរិក Lana Condor។ ក្រៅពីនេះតារាវ័យ២២ឆ្នាំ ក៏បានសម្ដែងក្នុងរឿង "SPF-18” និងរឿង "Sierra Burgess Is a Loser” ដែលសុទ្ធតែដាក់ឲ្យទស្សនានៅលើ Netflix។
ថ្មីៗនេះ Noah ត្រូវបានគេជ្រើសរើសឲ្យសម្ដែងជាតួឯកក្នុងរឿងវិរនារីទាំង៣ "Charlie Angels” ដែលនឹងចាប់ដាក់បញ្ចាំងនៅឆ្នាំ ២០១៩ ទៀតផង។ អ្វីដែលអ្នកនឹកស្មានមិនដល់នោះគឺ តារារូបសង្ហានេះក៏បានសម្ដែងនៅក្នុងវីដេអូចម្រៀង "Havana” ដ៏ល្បីរបស់តារាចម្រៀង Camila Cabello ផងដែរ៕
បណ្ដា Trailer ភាពយន្តដែល Noah Centineo បានសម្ដែង៖