ច្បាស់ទៅៗ Galaxy S10 នឹងបំពាក់កាមេរ៉ាដល់ទៅបីគ្រាប់
- 2018-10-04 02:06:00
- ចំនួនមតិ 0 | ចំនួនចែករំលែក 0
ច្បាស់ទៅៗ Galaxy S10 នឹងបំពាក់កាមេរ៉ាដល់ទៅបីគ្រាប់
ចន្លោះមិនឃើញ
ព័ត៌មានលេចលឺជាច្រើនជុំវិញ Galaxy S10 របស់ Samsung បំពាក់កាមេរ៉ាបីគ្រាប់ ហើយពេលនេះ របាយការណ៍បន្ថែមកាន់តែច្បាស់ទៅៗ។
បើតាមវេបសាយ SamMobile លើកឡើងថា Samsung នឹងផ្តល់កាមេរ៉ាបីគ្រាប់ទៅកាន់ Galaxy S10។ កាមេរ៉ាទីមួយ មាន Sensor 12 Megapixels, Aperture f/1.5-2.4 និងផ្តល់មុំទិដ្ឋភាព 78ដឺក្រេ។ បន្ទាប់គឺមាន Sensor 16 Megapixels, Aperture f/1.9 និងផ្តល់មុំទិដ្ឋភាព 123ដឺក្រេ។ កាមេរ៉ាចុងក្រោយ មាន Sensor 13 Megapixels និង Aperture f/2.4។
បើប្រៀបនឹង iPhone XS, XS Max មានកាមេរ៉ាភ្លោះក្រោយទំហំ 12 Megapixels ដោយមួយជាប្រភេទ Wide-angle lens មាន Aperture f/1.8 និងមួយទៀតជាប្រភេទ Telephoto lens មាន Aperture f/2.4។
ប្រភពមិនបញ្ចេញឈ្មោះក្នុងរបាយការណ៍ បញ្ជាក់ថា ជម្រើស 12 និង 13 Megapixels នឹងមានមុខងារ Autofocus និងទប់លំនឹង (Optical Image Stabilization) មកជាមួយ ប៉ុន្តែកាមេរ៉ាទំហំ 16 Megapixels មិនមានមុខងារទាំងនេះនោះទេ។
ប្រព័ន្ធកាមេរ៉ាបីគ្រាប់នេះ Samsung បានចេញរួចទៅហើយលើម៉ូដែល Galaxy A7 ជាស្មាតហ្វូនដំបូងពីក្រុមហ៊ុនបច្ចេកវិទ្យាយក្សកូរ៉េ។ មិនចម្លែកនោះទេ អាចមានលើ S10 នៅដើមឆ្នាំក្រោយ។
ផ្អែកលើរបាយការណ៍ជាច្រើន ឧបករណ៍នេះអាចរចនារូបរាងថ្មី បំពាក់ Chip Snapdragon ចុងក្រោយរបស់ Qualcomm។ ហើយការរំពឹងមួយទៀត ម៉ូដែល S10 អាចនឹងជាស្មាតហ្វូនដំបូងពី Samsung មានមុខងារស្កេនម្រាមដៃក្នុងអេក្រង់តែម្តង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ