មនុស្សជាង២៥០នាក់ ទូទាំងពិភពលោក ស្លាប់ដោយសារថតរូប Selfie

2018-10-04 02:50:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូប Selfie ដ៏ល្អឥតខ្ចោះ អាចជាភាពសប្បាយរីករាយមួយ។ ប៉ុន្តែប្រសិនបើវាជាប់ពាក់ព័ន្ធនឹងគ្រោះថ្នាក់ ដូចជាការប្រថុយថតរូប Selfie នៅលើផ្ទាំងថ្មរអិលនៅជិតកំពូលភ្នំ អ្នកប្រហែលជាត្រូវគិតឡើងវិញ។

បើយោងតាមការស្រាវជ្រាវ ដែលបានចេញផ្សាយនៅក្នុងកាសែត Journal of Family Medicine and Primary Care ក្រុមអ្នកស្រាវជ្រាវមកពី វិទ្យាស្ថាននៃវិទ្យាសាស្ត្រវេជ្ជសាស្ត្រឥណ្ឌា (All India Institute of Medical Sciences) នៅទីក្រុង New Delhi បានឲ្យដឹងថា ចាប់ពីខែតុលា ឆ្នាំ២០១១ ដល់ ខែវិច្ឆិកា ឆ្នាំ២០១៧ មនុស្សប្រមាណ ២៥៩នាក់នៅទូទាំងពិភពលោក បានស្លាប់ខណៈកំពុងព្យាយាមថតរូប Selife ខ្លួនឯង។

ជាមួយគ្នានេះ ពួកគេបានរកឃើញថា ការស្លាប់ភាគច្រើនបំផុត បានកើតឡើងនៅប្រទេសឥណ្ឌា បន្ទាប់មកគឺនៅ រុស្ស៊ី , សហរដ្ឋអាមេរិក និងប៉ាគីស្ថាន។ ជនរងគ្រោះភាគច្រើន គឺ បុរស (ប្រហែល ៧២%) និង អាយុក្រោម ៣០ឆ្នាំ។ ប្រទេសឥណ្ឌាមានចំនួនជាងពាក់កណ្ដាលនៃចំនួនសរុប ពោលគឺ ១៥៩នាក់បានស្លាប់ដោយសារការថតរូប Selfie ចាប់តាំងពីឆ្នាំ២០១១។

ទោះបីជាស្ត្រី ជាទូទៅថតរូប Selfie ច្រើនជាងបុរសក៏ដោយ ប៉ុន្តែអ្នកស្រាវជ្រាវបានរកឃើញថា បុរសហាក់ដូចជាប្រថុយនឹងគ្រោះថ្នាក់ច្រើនជាង ដូចជាទៅឈរនៅគែមផ្ទាំងថ្ម ដើម្បីថតរូប Selfie ជាដើម៕

ចុចអាន៖