ត្រួសៗតារាចម្រៀង និងអ្នកនិពន្ធច្រើនរូបដើរចេញពីថោនបន្តបន្ទាប់

2018-10-04 06:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះតារាចម្រៀង និងអ្នកនិពន្ធល្បីឈ្មោះជាច្រើនរូបបានដើរចេញពីផលិតកម្មថោនជាបន្តបន្ទាប់ដើម្បីស្វែងរកបទពិសោធន៍ថ្មីបន្ថែមទៀត។ តែក៏មានមួយចំនួនទៅបើកផលិតកម្មថ្មីដោយខ្លួនឯងទៀតផង។

១/តារាចម្រៀងកូន២ កែវ វាសនា ធ្វើឲ្យហ្វេនៗមានភាពភ្ញាក់ផ្អើលមិនស្ទើរនោះទេ ក្រោយពីលោក បញ្ចេញបទចម្រៀងថ្មីនៅផលិតកម្មសាន់ដេ ដែលជាទ្រនំចាស់ជួយសាងកេរ្តិ៍ឈ្មោះឲ្យមហាជនបានស្គាល់នាពេលកន្លងមក។ មូលហេតុលោក ចេញពីថោនទៅចូលសាន់ដេវិញដោយសារតែចង់ទទួលបានបទពិសោធន៍ថ្មីបន្ថែមនៅចុងឆ្នាំ២០១៨នេះ។

២/អ្នកនិពន្ធ និងកំប្លែងស្ងួតដ៏មានប្រជាប្រិយភាព ងួន សុបិន្ត បានដើរចេញពីផលិតកម្មថោន នៅចុងឆ្នាំ២០១៧ ទៅបើកផលិតកម្មថ្មីមួយដែលមានឈ្មោះថា 2Bfដែលមាន សៅ ឧត្ដម សុវត្ថិឌី ធារិកា និង DJ KAKA ជាតារាចម្រៀងដំបូង។

៣/ ថ្មីៗនេះអ្នកនិពន្ធបទចម្រៀង "មាន់ស្រែ" ស៊យ រតនា បានប្រកាសនៅលើទំព័រហ្វេសប៊ុកថាលោក នឹងដើរចេញពីផលិតកម្មថោន ដើម្បីសាងអនាគតថ្មី១ទៀតជាមួយការរៀនសូត្រដែលត្រូវបញ្ចប់ត្រឹមរយៈពេលខ្លីខាងមុខនេះ គឺវេជ្ជបណ្ឌិត។

៤/បើតាមពាក្យប្រភពស្និទ្ធស្នាលជាមួយ រិទ្ធ អូមេហ្គា ឲ្យដឹងថា ក្រោយពី ស៊យ រតនា ចេញពីថោន មិនយូរទេ រិទ្ធ អូមេហ្គា នឹងទៅតាមក្រោយប្រហែលជាពេលឆាប់ៗនេះ ក្រោយពីចប់កុងត្រា។ ចំពោះរឿងនេះសាមីខ្លួនសុំបញ្ជាក់ថាអំឡុងពេលនេះលោក សុំមិនបកស្រាយអ្វីច្រើនឡើយគ្រប់យ៉ាង នឹងបង្ហាញជូននៅពេលខាងមុខ៕