អស់ស្ទះ! Park Bom នឹងបង្ហាញវត្តមានជាពិសេស ក្នុងកម្មវិធីមួយរបស់ផលិតកម្ម YG
- 2018-10-04 07:44:48
- ចំនួនមតិ 0 | ចំនួនចែករំលែក 0
អស់ស្ទះ! Park Bom នឹងបង្ហាញវត្តមានជាពិសេស ក្នុងកម្មវិធីមួយរបស់ផលិតកម្ម YG
ចន្លោះមិនឃើញ
តារាចម្រៀង Park Bom នឹងមានវត្តមានជាពិសេសក្នុងកម្មវិធី "YG Future Strategy Office” អមជាមួយតួអង្គសំខាន់ប្រចាំកម្មវិធីតារាចម្រៀង Seungri។
បើតាមកម្មវិធី Netflix បានបញ្ជាក់នៅថ្ងៃទី ០៤ ខែតុលានេះថា តារាចម្រៀង Park Bom ថ្មីៗនេះ នាងបានចូលរួមថតភាគថ្មីមួយរបស់កម្មវិធី "YG Future Stretegy Office”។ តារាចម្រៀងស្រីរូបនេះ បានថតចប់រួចរាល់ហើយ ហើយនាងជាភ្ញៀវពិសេសម្នាក់ក្នុងចំណោមភ្ញៀវពិសេសច្រើនរូបទៀត ដែលនឹងមានវត្តមានក្នុងកម្មវិធីមួយនេះ។
ជាមួយកម្មវិធីនេះដែរ បានធ្វើឲ្យតារាចម្រៀងស្រីរូបនេះ ត្រឡប់មកបម្រើទស្សនិកជនលើកញ្ចក់ទូរទស្សន៍សាជាថ្មី ក្រោយបាត់មុខអស់រយៈពេល ៥ ឆ្នាំមកនេះ។ ចំពោះមូលហេតុដែលនាង មានវត្តមានក្នុងកម្មវិធីរបស់ផលិតកម្មចាស់របស់នាងមួយនេះ ព្រោះដោយសារតែទំនាក់ទំនងជាសមាជិកក្រុម 2NE1 និងធ្លាប់បម្រើការនៅផលិតកម្មមួយនេះកាលពីមុន ទើបនាងត្រូវអញ្ជើញឲ្យចូលរួមក្នុងកម្មវិធីថ្មីមួយនេះ។
គួរបញ្ជាក់ដែរថា កម្មវិធី "YG Future Strategy Office” នឹងចេញចាក់បញ្ចាំងជាផ្លូវការលើកម្មវិធី Netflix នៅថ្ងៃទី ០៥ ខែតុលានេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
