Mkhitaryan មិនទៅលេង Europa ជាមួយ Arsenal ព្រោះមូលហេតុកម្រមានមួយ
- 2018-10-04 08:13:17
- ចំនួនមតិ 0 | ចំនួនចែករំលែក 0
Mkhitaryan មិនទៅលេង Europa ជាមួយ Arsenal ព្រោះមូលហេតុកម្រមានមួយ
ចន្លោះមិនឃើញ
Arsenal បានធ្វើដំណើរប្រមាណ៨ពាន់គីឡូម៉ែត្រទៅកាន់ប្រទេសអាស៊ែបៃហ្សង់ដើម្បីប៉ះម្ចាស់ផ្ទះ Qarabag ក្នុងការប្រកួតពាន UEFA Europa League វគ្គសន្សំពិន្ទុតាមពូល។
យ៉ាងណាក្នុងចំណោមក្រុមកីឡាកររបស់លោក Unai Emery គឺគ្មានវត្តមានខ្សែបម្រើសំខាន់ Henrikh Mkhitaryan នោះទេ។ មូលហេតុដែលអវត្តមាន Mkhitaryan មិនមែនដោយសាររបួស ឬជាប់បម្រាមអ្វីឡើយគឺដោយសាររូបគេបារម្ភពីសុវត្ថិភាពផ្ទាល់ខ្លួនទើបមិនទៅជាមួយ Arsenal។
កីឡាករវ័យ២៩ឆ្នាំគឺជាជនជាតិអាមេនី ដែលប្រវត្តិតានតឹងផ្នែកនយោបាយជាមួយប្រទេសអាស៊ែបៃហ្សង់។ ប្រទេសទាំងពីរមានព្រំប្រទល់ជាប់គ្នាតែគ្មានទំនាក់ទំនងការទូតជាមួយគ្នាឡើយ ថែមទាំងធ្លាប់ប៉ះទង្គិចផ្នែកយោធា២លើកពីចន្លោះឆ្នាំកាលពីឆ្នាំ១៩១៨ និង១៩៨៨។
នេះមិនមែនជាលើកដំបូងទេដែល Mkhitaryan មិនធ្វើដំណើរទៅកាន់ អាស៊ែបៃហ្សង់ ពោលគឺកាលពីឆ្នាំ២០១៥ រូបគេបានអវត្តមានជាមួយ Borussia Dortmund ម្ដងហើយពេលលេងប៉ះក្រុម Gabala នៅពានដូចគ្នានេះ៕