តាមពិតតួអង្គក្នុងរឿងល្បីៗទាំង៧នេះ ចម្លងពីគេសោះ
- 2018-10-08 00:30:00
- ចំនួនមតិ 0 | ចំនួនចែករំលែក 0
តាមពិតតួអង្គក្នុងរឿងល្បីៗទាំង៧នេះ ចម្លងពីគេសោះ
ចន្លោះមិនឃើញ
ពេលខ្លះប្រសិនជាអ្នកទស្សនាភាពយន្តមិនថាជារឿងហូលីវូដឬគំនូរជីវចលនោះទេ អ្នកអាចនឹងមានអារម្មណ៍ថាធ្លាប់ឃើញតួអង្គឬសាច់រឿងស្រដៀងនេះពីមុនមក។ មនុស្សមួយចំនួនមិនសូវជាខ្វល់ពីវាទេ ប៉ុន្តែសម្រាប់អ្នកស្នេហាវិស័យភាពយន្តវិញ គេនឹងស្វែងរក សៀវភៅ ភាពយន្ត ឬ គំនូរជីវចលដែលស្រដៀងគ្នាឬចម្លងចេញពីគ្នា។
នេះជាឧទាហរណ៍តួអង្គល្បីៗទាំង៧ដែលចម្លងពីគេ៖
១. តួអង្គ Kimba the White Lion និង Lion King
តាមពិតតួអង្គ Simba ដ៏ល្បីរបស់ Disney យកលំនាំតាមតួអង្គ Kimba ដែលបង្ហាញខ្លួននៅក្នុងភាពយន្តគំនូរជីវចលរបស់ជប៉ុន កាលពីឆ្នាំ ១៩៦៥ ដែលមានរឿងរ៉ាវស្រដៀងគ្នាខ្លាំង។
២. តួអង្គ Zoro និង Batman
តួអង្គ Zoro បង្ហាញខ្លួនតាំងពីឆ្នាំ ១៩១៩ មកម្ល៉េះ។ តួអង្គនេះមានលក្ខណៈស្រដៀងមនុស្សប្រចៀវ Batman ដោយមានរូងផ្ទាល់ខ្លួនព្រមទាំងមានអ្នកបម្រើប្រចាំម្នាក់ដូចគ្នា។
៣. “Looney Tunes” និង “Little Man”
ភាពយន្ត “Little Man” ធ្វើឲ្យអ្នកគិតក្នុងចិត្តថា ដូចជាធ្លាប់ឃើញរូបភាពស្រដៀងនេះពីមុន។ តាមពិតភាពយន្តនេះយកលំនាំពីរឿង "Looney Tunes” សឹងតែទាំងស្រុង។
៤. រឿង "Little Monsters” និង "Monsters, Inc”
ភាពយន្ត "Little Monsters” បានបញ្ចេញតាំងពីឆ្នាំ ១៩៨៩មកម្ល៉េះ ចំណែកឯសាច់រឿងនិងតួអង្គនៅក្នុងរឿងនេះគឺពិតជាស្រដៀងនឹងរឿង "Monsters, Inc” ដែលបានបញ្ចេញនៅឆ្នាំ ២០០១ខ្លាំង។
៥. រឿង "Soldier” និងរឿង "The Terminator”
ប្រសិនអ្នកតែងតែតាមដានសេរីភាពយន្ត "The Terminator” អ្នកនឹងតែងតែឃើញឈ្មោះ Harlan Elison ជានិច្ច។ នេះដោយសារតែលោកជាអ្នកនិពន្ធរឿង "Soldier” ហើយតួអង្គផ្សេងៗក្នុងរឿង "The Terminator គឺសឹងតែយកតាមរឿងនេះទាំងស្រុង។ បន្ទាប់ពីរឿងក្ដីឡើងទៅដល់តុលាការ លោក Harlan ឈ្នះក្ដីនិងមានសិទ្ធដាក់ឈ្មោះលោកជាក្រេឌីតក្នុងរឿង "Terminator” ទាំងអស់។
៦. រឿង "The Christmas Toy” និង "Toy Story”
មុននឹងរឿង "Toy Story” ចាប់ផ្ដើមល្បីខ្លាំង តាមពិតមានភាពយន្តស្រដៀងនេះ "The Christmas Toy” ដាក់បញ្ចាំងតាំងពីឆ្នាំ ១៩៨៦ មកម្ល៉េះ។
៧. តួអង្គ Deadstroke និង Deadpool
Deadstroke គឺជាតួអង្គឃាតករសាហាវព្រៃផ្សៃរបស់ DC បង្ហាញខ្លួនដំបូងនៅឆ្នាំ ១៩៨០ ក្រោយមក Marvel ក៏ចម្លងគំនិតនេះ គ្រាន់តែធ្វើឲ្យ Deadpool មានចរិតលក្ខណៈកំប្លែងជាង Deadstroke តែប៉ុណ្ណោះ៕