ច្បាស់ការ! ក្រសួងថា គ្មានទេរឿងស៊ូកប៉ាន់ ពេលប្រលងក្របខណ្ឌសុខាភិបាល
- 2018-10-05 01:30:00
- ចំនួនមតិ 0 | ចំនួនចែករំលែក 0
ច្បាស់ការ! ក្រសួងថា គ្មានទេរឿងស៊ូកប៉ាន់ ពេលប្រលងក្របខណ្ឌសុខាភិបាល
ចន្លោះមិនឃើញ
បើតាមទំព័រហ្វេសប៊ុកក្រសួងសុខាភិបាលបានប្រកាសថា ការប្រលងក្របខណ្ឌក្រសួងឆ្នាំ២០១៨ ដែលនឹងប្រព្រឹត្តទៅនៅថ្ងៃទី ២៨ ខែតុលា ឆ្នាំ២០១៨។ អ្វីដែលក្រសួងផ្ដោតសំខាន់គឺ គ្មានទេអំពើស៊ីសំណូក ឬការសូកប៉ាន់ ក្នុងការប្រលងនេះ។
ហ្វេសប៊ុកក្រសួងសុខាភិបាលបានបញ្ជាក់បន្ថែមថា ក្នុងការប្រលងជ្រើសរើសនេះ នឹងមានការចូលរួមពីមន្ត្រីក្រសួងមុខងារសាធារណៈ និងអ្នកសង្កេតការណ៍អង្គភាពប្រឆាំងអំពើពុករលួយ។
ដូច្នេះ ដើម្បីជៀសវាងពាក្យចចាមអារ៉ាមធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូរ ក្រសួងសូមប្រកាសជាឱឡារិកថា អ្នកស៊ីសំណូក និងអ្នកសូកប៉ាន់ ត្រូវមានទោសដូចគ្នា។ សូមបេក្ខជនទាំងអស់ខិតខំរៀនសូត្រ និងពង្រឹងសមត្ថភាពដើម្បីប្រលងប្រជែងដោយភាពត្រឹមត្រូវ និងយុត្តិធម៌។
សូមជម្រាបថា ការប្រលងក្របខណ្ឌក្រសួងសុខាភិបាល ឆ្នាំ២០១៨ នឹងប្រព្រឹត្តទៅនៅថ្ងៃទី ២៨ ខែតុលា ឆ្នាំ២០១៨។ បេក្ខជនចូលរួមចំនួន ៧០០នាក់ នឹងចូលរួមប្រលង ខណៈមានបេក្ខជនបានដាក់ពាក្យដល់ទៅ ១២០០០នាក់។