ការប្រគំតន្ត្រីមួយរបស់ BTS ចាត់ទុកជាប្រវត្តិសាស្ត្រ ក្រោយអ្នកគាំទ្របោះតង់ដេកចាំមុន
- 2018-10-05 01:53:21
- ចំនួនមតិ 0 | ចំនួនចែករំលែក 0
ការប្រគំតន្ត្រីមួយរបស់ BTS ចាត់ទុកជាប្រវត្តិសាស្ត្រ ក្រោយអ្នកគាំទ្របោះតង់ដេកចាំមុន
ចន្លោះមិនឃើញ
កាលពីពេលថ្មីៗនេះ ខាងបណ្ដាញសារព័ត៌មាន CBS New York បានរាយការណ៍ថា មានអ្នកគាំទ្ររាប់រយនាក់ បានបោះតង់ក្បែរពហុកីឡដ្ឋាន Citi Field ដើម្បីរង់ចាំទស្សនាការប្រគំតន្ត្រីរបស់ក្រុមចម្រៀង BTS។
ក្រុមចម្រៀងដ៏ល្បីមួយក្រុមនេះដែរ នឹងធ្វើការប្រគំតន្ត្រីរបស់ពួកគេនៅពហុកីឡដ្ឋាន Citi Field នៅថ្ងៃទី ០៦ ខែតុលាខាងមុខនេះ។ ជាមួយនឹងការលក់សំបុត្រអស់គ្មានសល់ ដូច្នេះមានអ្នកគាំទ្រច្រើនជាង ៤ ម៉ឺននាក់ នឹងមកទស្សនាការប្រគំតន្ត្រីរបស់ក្រុមចម្រៀងនេះផ្ទាល់។
បើតាមសេចក្ដីរាយការណ៍បានឲ្យដឹងថា មានអ្នកគាំទ្រជាច្រើនបានបោះតង់នៅជិតពហុកីឡដ្ឋានCiti Field ដើម្បីធ្វើយ៉ាងណា ពួកគេអាចឈរនៅជួរមុខបាន។ ជាមួយកិច្ចសម្ភាសជាមួយអ្នកគាំទ្រម្នាក់មានឈ្មោះ Linda Xiong ដែលមកពីរដ្ឋ California បាននិយាយថា៖ "ពួកយើងចូលចិត្តក្រុមចម្រៀងនេះខ្លាំង។ ពួកគេបានបង្កើតចម្រៀងដោយខ្លួនឯង សរសេរប៉ារ៉ូលដោយខ្លួនឯង។ អ្នកដឹងទេ ពួកគេធ្វើឲ្យយើង ជាអ្នកគាំទ្រនេះ សប្បាយអរជិតឆ្កួតទៅហើយ ព្រោះពួកគេជាបុរសដ៏គួរឲ្យទាក់ទាញខ្លាំងទាំង ៧រូប"។
គួរបញ្ជាក់បន្ថែមថា អ្នកគាំទ្ររបស់ក្រុម BTS ដែលភាគច្រើនជាមិត្តនារីវ័យក្មេងនោះ បានមកបោះតង់ក្រៅពហុកីឡដ្ឋាននេះ តាំងពីថ្ងៃអាទិត្យមកម្ល៉េះ និយាយជារួមជិតមួយសប្ដាហ៍មុនការប្រគំតន្ត្រី៕
ទស្សនាវីដេអូខាងក្រោម៖