កម្សត់ម្ល៉េះ ម៉ារ៉ា ប៊ុណ្ណា ក្រោយពីរថយន្តទីកូខូចខ្ទេច សូម្បីតែម៉ូតូ១ក៏គ្មានជិះដែរឥឡូវនេះ

2018-10-05 01:57:58
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងចម្រៀង ម៉ារ៉ា ប៊ុណ្ណា បង្ហាញអារម្មណ៍អន់ចិត្តយ៉ាងខ្លាំង បន្ទាប់ពីរថយន្តទីកូត្រូវបានខូចខ្ទេចក្នុងឧប្បត្តិហេតុមួយ កាលពីខែកក្កដា កន្លងទៅបែរជាគ្មានអ្នកជួយគិតគូខ្វាយខ្វល់ពីលោកឡើយ។ សូម្បីតែពេលនេះរកម៉ូតូមួយគ្រឿងសម្រាប់មធ្យោបាយធ្វើដំណើរក៏គ្មានដែរ។

ម៉ារ៉ា ប៊ុណ្ណា ថា រាល់ថ្ងៃនេះនៅពេលចេញទៅថតរឿង ឬ កម្មវិធីផ្សេងៗលោក តែងតែសុំមិត្តភ័ក្ដិដោយសារជានិច្ចមានពេលខ្លះហៅម៉ូតូកង់បីជិះគិតទៅតាមគីឡូក៏មាន។ រីឯរថយន្តទីកូដែលខូចនោះបើជួសជុលទៅអស់ច្រើនជាងតម្លៃទិញទៀត ហេតុដូច្នេះហើយទើបលោក បង្ខំចិត្តលក់អេតចាយតែម្ដងទៅ ព្រោះគ្មានថវិកាក្នុងការជួសជុល។

ជាមួយអារម្មណ៍អន់ចិត្តគ្មានអ្នកខ្វាយខ្វល់ ម៉ារ៉ា ប៊ុណ្ណា រៀបរាប់ថា៖" បងមិនលាក់បាំងទេ រាល់ថ្ងៃហ្នឹងក្រោយពី អស់រថយន្តទីកូ មួយហ្នឹងគឺបងគ្មានសល់អ្វីទេ ព្រោះឡានហ្នឹងបងទិញទុកថតMV ។ ប៉ុន្តែគួរឲ្យស្ដាយមិនទាន់បានថតផងក៏មានគ្រោះថ្នាក់ ក្រោយត្រឡប់មកពីហែបក្ស ឥឡូវឡានហ្នឹងបងលក់ឲ្យអេតចាយហើយ អត់មានអីជិះទេ សូម្បីតែម៉ូតូ"។

ជាចុងក្រោយ ម៉ារ៉ា ប៊ុណ្ណា សុំបញ្ជាក់ថាមូលហេតុបណ្ដាលឲ្យកើតមានគ្រោះថ្នាក់ចរាចរណ៍នេះឡើង លោក មិនបានស្រវឹងដូចការចោទប្រកាន់ឡើយ។ តែកើតឡើងមកពីការអត់ងងុយទើបរ៉េចង្កូតក៏បណ្ដាលឲ្យគ្រោះថ្នាក់នេះកើតឡើងតែម្ដងទៅ៕

អត្ថបទ៖ ឆុង ស៊ីណាន