យុវតីវ័យក្មេង គង់ ដាលីន កសាងស្នាដៃផលិតវីដេអូបទចម្រៀង និងភាពយន្តខ្លីតាំងពីអាយុ១៦ ឆ្នាំ
- 2018-10-05 06:59:53
- ចំនួនមតិ 0 | ចំនួនចែករំលែក 0
យុវតីវ័យក្មេង គង់ ដាលីន កសាងស្នាដៃផលិតវីដេអូបទចម្រៀង និងភាពយន្តខ្លីតាំងពីអាយុ១៦ ឆ្នាំ
ចន្លោះមិនឃើញ
បច្ចុប្បន្ន ឈានចូល វ័យ ២០ ឆ្នាំ ជិតក្លាយជានិស្សិតឆ្នាំទី ៤ ក្នុងឆ្នាំនេះហើយ កញ្ញា ក៏ជាសហស្ថាបនិក កម្មវិធី និទាន ដែលជោគជ័យលើស្នាដៃរូបថត និងវីដេអូបង្ហាញសិល្បៈ រឿងនិទានខ្មែរ ថែមទាំងមានអាជីពជាពិធីការិនីក្នុងកម្មវិធីទូទៅ និងធ្លាប់ជាពិធីការិនីកម្មវីធីទូរទស្សន៍ប៉ុស្តិ៍ PNN និងកម្មវិធី Sabay Der របស់ក្រុមហ៊ុន Sabay។
ស្រីស្អារូបស្រស់ ក្មេងវ័យ គង់ ដាលីន ផ្ដើមការងារជាអ្នកបង្កើតថ្មី ឬ Creative Content maker ដោយផ្ដើមពីការចូលរួមផលិតវីដេអូក្នុងគម្រោងខ្លីមួយកាលពីមានអាយុទើបតែ ១៦ឆ្នាំ ជាអ្នកតែងនិពន្ធទំនុកច្រៀង និងផលិតវីដេអូចម្រៀងនោះ ហើយក៏ទទួលបានពានរង្វាន់ថែមទៀតផង។
ដោយស្រលាញ់ពេញចិត្តលើការបង្កើតថ្មី និងមានដុងក្នុងការតែងនិពន្ធថែមទៀត កញ្ញា គង់ ដាលីនក៏បានដឹកនាំមិត្តភ័ក្តិចូលរួមផលិតជាខ្សែភាពយន្តខ្លីៗ ចំនួន ៥ ចំណងជើងដាក់ប្រកួតតាមមហោស្រព ជាតិ និងអន្តរជាតិ តែមិនធ្លាប់ទទួលបានពានរង្វាន់នៅឡើយនោះទេ។
ក៏ប៉ុន្តែ ការដណ្តើមពានរង្វាន់នានាក្នុងការប្រកួតភាពយន្តមិនមែនជាការរំពឹងទុករបស់ស្រីស្អាតវ័យក្មេងរូបនេះទេ។ ការដែលព្យាយាមផលិតខ្សែភាពយន្ត និងវីដេអូថ្មី ដោយឆ្លៀតពេលសិក្សាបែបនេះ ក៏ដោយសារតែការស្រលាញ់ ពិសេសការចង់បង្ហាញពីអារម្មណ៍ មតិផ្ទាល់ខ្លួនទាក់ទងនឹងជីវិតរស់នៅ និងការចូលរួមផ្តល់ជាគំនិត តាមរយៈការបង្ហាញជាវីដេអូ។ នេះបើតាមការលើកឡើងរបស់ កញ្ញា គង់ ដាលីន។
ទស្សនៈចូលរួមផលិតភាពយន្ត ក្នុងអាយុវ័យក្មេងខ្វះបទពិសោធន នេះធ្វើឱ្យរូបនាងរៀនពីការងារ និងស្វែងយល់ពីបញ្ហាផលិតភាពយន្ត ថែមទាំងរក្សា ឬសន្សំបាននូវ សមិទ្ធផលសម្រាប់ជីវិត និងជាទុនសម្រាប់ដឹកនាំខ្លួនឱ្យរកឱកាសការងារដែលខ្លួនពេញចិត្តនាពេលអនាគត់៕