សំណួរក្តៅ៤ដែល Jurgen Klopp ត្រូវរកចម្លើយមុនប៉ះ Man City ក្រោយចាញ់ Napoli
- 2018-10-06 01:54:20
- ចំនួនមតិ 0 | ចំនួនចែករំលែក 0
សំណួរក្តៅ៤ដែល Jurgen Klopp ត្រូវរកចម្លើយមុនប៉ះ Man City ក្រោយចាញ់ Napoli
ចន្លោះមិនឃើញ
Liverpool បានចាញ់ ១-០ ក្រោមថ្វីជើងក្រុមនៅលីគអ៊ីតាលី Napoli។ គេជឿថាប្រព័ន្ធរបស់លោក Jurgen Klopp កំពុងមានបញ្ហា ដែលត្រូវតែដោះស្រាយ។ នេះបើតាម Sky Sports ដកស្រង់ដោយវេបសាយ Tribuna។
ខាងក្រោមនេះជាសំណួរ៤ដែល Klopp ត្រូវរកចម្លើយមុនប៉ះ Man City៖
១ បញ្ហារបស់ Liverpool នៅត្រង់ Keita? ហើយតើត្រូវដោះស្រាយបញ្ហានោះដោយរបៀបណា?
Keita បានបង្កកំហុសទៅលើខ្សែការពារ Napoli កីឡាករ Nikola Maksimovic ត្រឹមនាទីទី៣។ ខ្សែបម្រើរូបនេះបានធ្វើឲ្យខូចបាល់ដល់ទៅ៥ដងត្រឹម១តង់ប៉ុណ្ណោះពេលប្រកួតទល់ក្រុមនៅលីគអ៊ីតាលីក្នុងក្របខ័ណ្ឌ Champions League រហូតដល់ឱកាសមួយនោះស្ទើរតែឲ្យកាដូខ្សែប្រយុទ្ធ Arkadiusz Milik រកគ្រាប់បាល់បាន។ ប្រភពខាងលើបានបង្ហាញ។
ប្រព័ន្ធលេងរបស់ហង្សក្រហមដូចមិនសូវស្រួលតាំងពីពេលស្មើ Chelsea ១-១ នៅពេលដែល role របស់ Jordan Henderson ត្រូវបានជំនួសដោយ Keita។
Keita នៅមិនទាន់សម្របនឹងនឹងបរិយាកាសថ្មីរបស់ខ្លួនជាមួយហង្សក្រហមនៅឡើយ បន្ទាប់ពីផ្ទេរមកកាន់ Anfield កាលពីរដូវក្តៅពីក្លឹប RB Leipzig។
២ តើការថមថយកម្លាំងអាចជាបញ្ហាសម្រាប់ Liverpool ដែរឬទេ?
Klopp បាននិយាយថា Liverpool បានបាត់បង់កម្លាំងស្នូលនៅតំបន់បម្រើ។ ជាក់ស្តែង ការវាយសន្ទាប់របស់ Liverpool លើ Napoli នៅតង់ទី១ពិតជាខ្លាំង ប៉ុន្តែចូលដល់តង់ទី២ James Milner, Henderson និង Wijnaldum មិនអាចបន្តវាយសន្ទាប់ម្ចាស់ផ្ទះបានទៀតទេ។ Klopp បានប្រើប្រាស់កីឡាករដដែល ៤ប្រកួតជាប់ៗគ្នាក្នុងរវាង១២ថ្ងៃ ខណៈដែល Liverpool អាចនឹងចាញ់ប្រៀប Man City ដែលបានសម្រាកយូរថ្ងៃជាងបន្ទាប់ពីការប្រកួតនៅក្របខ័ណ្ឌ Champions League របស់ពួកគេកាលពីថ្ងៃអង្គារ។
៣ តើពេលណាដែល Salah អាចទាត់ចូល?
Jamie Carragher អតីតកីឡាករ Liverpool ដែលបានចូលនិវត្តន៍បានអះអាងថា ទម្រង់លេងរបស់ Mohamed Salah នៅតែជាការគម្រាមកំហែងសម្រាប់ក្រុមហង្សក្រហម។ ប៉ុន្តែនៅពេលដែលកីឡាករសញ្ជាតិអេហ្ស៊ីបត្រូវបានប្តូរចេញ ហើយ Liverpool មានលទ្ធភាពវាយបកតាមស្មើ Chelsea ធ្វើឲ្យគេមានភាពមន្ទិលពីសមត្ថភាពរបស់ Salah ថាមានការធ្លាក់ចុះ ពិសេសបន្ទាប់ពីខ្សែប្រយុទ្ធរូបនេះរងរបួសដោយសារ Ramos ដែលមិនទាន់អាចត្រលប់ទៅរកភាពខ្លាំងរបស់ខ្លួនដូចកាលពីមុន។
គិតមកទល់ពេលនេះ Salah ទើបទាត់បាន១គ្រាប់ក្នុងចំណោម៧ប្រកួតរបស់ខ្លួន។
៤ តើមានបញ្ហាជាមួយខ្សែការពារឬទេ?
Liverpool ពុំដែលស្គាល់ពាក្យចាញ់ឡើយនៅ Premier League ប៉ុន្តែនៅទឹកដី Stadio San Paolo នៅពេលដែលប្រព័ន្ធប្រយុទ្ធរបស់ខ្លួនមិនអាចរកគ្រាប់បាល់បាន ប្រព័ន្ធការពាររបស់ពួកគេក៏គ្មានសុវត្ថិភាពដែរ។
សូម្បីតែកីឡាករចិត្តធ្ងន់ Virgil van Dijk ហាក់ដូចជាមិនពេញចិត្តដែរនៅតង់ទី១ ក្រោយការទាត់ដ៏ឥតខ្ចោះពី Milik ប៉ុន្តែអាចជួយសង្រ្គោះបានពី Alisson។ ម្តងទៀត Dries Mertens អាចមានឱកាសស៊ុតទៅប៉ះរបារទី មុនពេលដែលក្លឹបខ្លាំងនៅលីគកំពូលអ៊ីតាលីទាត់១គ្រាប់ចុងម៉ោងយកឈ្នះ Liverpool នៅ Champions League។
Napoli ស៊ុតសរុប១៤ជើងលើ Liverpool ដែលជាការស៊ុតច្រើនបំផុតមកលើក្រុមឡើងជើងអង់គ្លេស គិតគ្រប់ការប្រកួតនៅដើមរដូវកាលរបស់ហង្សក្រហម៕