មហាសេដ្ឋីជប៉ុនទិញវីយ៉ូឡុងថ្លៃបំផុតជិត ៩ លានដុល្លារដោយសារហេតុផលពិសេស

2018-10-06 02:32:55
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីជប៉ុនមួយរូបបានទិញវីយ៉ូឡុងថ្លៃបំផុតមួយនៅលើពិភពលោក ហើយ លោកអាចប្រគំចែករំលែកវាជាមួយតន្រ្តីករនៅជុំវិញពិភពលោក។ នេះបើតាមសារព័ត៌មាន Nextshark ទើបបានចុះផ្សាយ។

លោក យូស៊ូកិ ម៊ែសាវ៉ា (Yusuke Maezawa) ជានាយកប្រតិបត្តិហាងលក់រាយនូវសំលៀកបំពាក់ម៉ាក Zozotown ដ៏ពេញនិយម បានធ្វើឲ្យមានការចាប់អារម្មណ៍ដោយលោកបានទិញវីយូឡុង Stradivarius Hamma ១៧១៧ ជាវីយូឡុងដ៏កម្រមួយប្រភេទ ព្រោះជាវីយូឡុងដែលមានដើមកំណើតរាប់សតវត្ស។

យោងតាមគេហទំព័រតម្លៃរបស់ក្រុមហ៊ុន Kakaku.com បានឱ្យដឹងថា វីយូឡុងប្រភេទនេះត្រូវបានលក់ក្នុងតម្លៃ ៨,៧៥ (ជិត ៩ លានដុល្លារអាមេរិក)។

View this post on Instagram

I purchased Stradivari 1717 Violin “Hamma”. Like Basquiat painting, I would like to make it travel around the world to send its strong and delicate sound to children in every region and country it visits under cooperation from local musicians. #stradivarius #stradivari Sorry for my terrible first violin playing... --- ‪1717年製のストラディヴァリウス「Hamma（ハンマ）」を買いました（8月12日の投稿のType 3がそれです）。バスキアと同じように、世界中を旅させ、現地音楽家の協力のもと、その地域や国々の子供たちの耳にその力強くも繊細な奇跡の音色を届けたいと思います。 #ストラディバリウス初めてのヴァイオリン演奏に挑戦してみました笑。

A post shared by Yusaku Maezawa (MZ) (@yusaku2020) on Oct 2, 2018 at 1:23am PDT

លោក Maezawa បានសរសេរនៅលើ Instagram របស់លោកថា លោកមិនមានបំណងរក្សាវីយូឡុងនេះទុកលេងតែឯងទេ ហើយលោកនឹងចែករំលែកជាមួយតន្រ្តីករជុំវិញពិភពលោក ហើយ គោលបំណងសំខាន់ដើម្បីជួយបង្កើនការយល់ដឹងរបស់មនុស្សជំនាន់ក្រោយអំពីតន្ត្រីបុរាណ។

ប៉ុន្តែអ្នកប្រើប្រាស់ប្រព័ន្ធផ្សព្វផ្សាយសង្គមបានរិះគន់ថានេះគ្រាន់តែជាយុទ្ធសាស្ត្រ ដើម្បីបង្កើននូវភាពល្បីល្បាញពីក្រោយមុខជំនួញដ៏ជោគជ័យរបស់លោកប៉ុណ្ណោះ។

កន្លងមកមហាសេដ្ឋីរូបនេះ ធ្លាប់បានធ្វើឲ្យមានការចាប់អារម្មណ៍ជាអន្តរជាតិកាលពីខែមុន បន្ទាប់ពី Elon Musk បានប្រកាសថាលោកនឹងក្លាយទៅជាភ្ញៀវទេសចរអវកាសដំបូងគេបង្អស់ ដែលនឹងធ្វើដំណើរទៅភពព្រះចន្ទតាមរយៈគ្រាប់រ៉ុកកែត SpaceX’s Big Falcon នៅឆ្នាំ ២០២៣៕

ប្រភព៖ nextshark ប្រែសម្រួល៖ សុខ លាងហ៊ត