Pep Guardiola នឹងត្រូវដឹកនាំកូនក្រុមវិលទៅជួប Liverpool សារជាថ្មីនៅ Anfield ថ្ងៃអាទិត្យ ជាលើកដំបូងចាប់តាំងពីធ្លាក់ចេញពី Champions League ត្រឹមវគ្គ៨ក្រុមចុងក្រោយ។

អ្នកចាត់ការក្រុមពណ៌ផ្ទៃមេឃមានការត្រៀមខ្លួនខ្ពស់សម្រាប់ជំនួបលើកនេះ ដោយសារធ្លាប់ចាញ់ Liverpool រហូត៣ដងកាលពីរដូវកាលមុន មាន១ដងនៅលីគកំពូលអង់គ្លេស និង២ដងទៀតនៅពានទ្វីបអឺរ៉ុប។

ក្នុងសន្និសីទសារព័ត៌មានពីការប្រកួត Pep បានលើកសរសើរ Liverpool ថាជាក្រុមខ្លាំងមួយពិសេសក្រោមការដឹកនាំរបស់ Jurgen Klopp ហើយលោកនឹងទទួលស្គាល់បើសិនជាចាញ់ពួកគេម្ដងទៀត។

“Liverpool ល្អខាងប្រយុទ្ធពិសេសកីឡាករ៣នាក់ខាងលើដែលយល់ចិត្តគ្នាយ៉ាងច្បាស់។ ពួកគេគឺជាក្រុមកំពូលដូចរដូវកាលមុនបានឈានដល់វគ្គផ្ដាច់ព្រ័ត្រ Champions League។ ចាប់តាំងពី Klopp ទៅដល់ទីនោះ ពួកគេកាន់តែខ្លាំង បើសិនជា Liverpool លេងល្អជាងហើយឈ្នះ នោះខ្ញុំគ្មានអ្វីត្រូវតវ៉ាឡើយ”។ Pep និយាយដូច្នេះ៕

ប្រភព៖ Marca   ប្រែ​សម្រួល៖ វីរ័ត្ន