មានទ្រព្យរាប់លាន តែកំពូលតារាហុងកុងរូបនេះ បែររស់នៅបែបសាមញ្ញ និងធ្វើរឿងស្មានមិនដល់ជាច្រើន
- 2018-10-11 01:44:50
- ចំនួនមតិ 0 | ចំនួនចែករំលែក 0
មានទ្រព្យរាប់លាន តែកំពូលតារាហុងកុងរូបនេះ បែររស់នៅបែបសាមញ្ញ និងធ្វើរឿងស្មានមិនដល់ជាច្រើន
ចន្លោះមិនឃើញ
ទោះបីជាមានឈ្មោះជាកំពូលតារាល្បី និងមានចំណូលច្រើនយ៉ាងណាក្ដី ប៉ុន្តែតារាសម្ដែង Chow Yun Fat បែរជាជ្រើសយកការរស់នៅបែបសាមញ្ញៗ ដោយចំណាយត្រឹមតែ ៨០០ដុល្លារហុងកុង (ប្រហែល ១០២ដុល្លារអាមេរិក) សម្រាប់ចាយវាយក្នុងមួយខែប៉ុណ្ណោះ។
មានសេចក្ដីរាយការណ៍មកថា ចំណូលតារាសម្ដែង Chow Yun Fat ដែលទទួលបានពីពិភពសិល្បៈជាង ៤ទសវត្សរ៍មកនេះ អាចមានរហូតទៅដល់ ៥,៦ពាន់លានដុល្លារហុងកុងឯណោះ (ប្រហែល ៧១៤លានដុល្លារអាមេរិក)។ ដោយការទ្រព្យសម្បត្តិច្រើនបែបនេះ ទើបមានមនុស្សមិនតិចទេ សន្និដ្ឋានថា តារាប្រុសរូបនេះរស់នៅហ៊ឺហារជាក់ជាមិនខាន។
ផ្ទុយពី ការរំពឹងទុក លោក Chow បែរជាសម្រេចរស់នៅបែបសាមញ្ញបំផុត ដោយពេលខ្លះលោកជ្រើសមធ្យោបាយធ្វើដំណើរតាមរថយន្តក្រុង និងតែងយកលុយជួយសង្គម ជំនួសការចាយវាយលើសម្ភារៈនិយម។
កាន់តែស្មានមិនដល់ លោកធ្លាប់ប្រើទូរសព្ទដៃម៉ាក Nokia ជំនាន់ទី ១ រហូតទៅដល់ ១៧ឆ្នាំជាង ទើបតែដូរមកប្រើ Smartphone ២ឆ្នាំចុងក្រោយនេះប៉ុណ្ណោះ មូលហេតុក៏ព្រោះទូរសព្ទចាស់នោះខូចប្រើលែងកើត។ មិនត្រឹមតែប៉ុណ្ណោះ លោក Chow តែងចំណាយពេលទៅទិញឥវ៉ាន់បញ្ចុះតម្លៃ។
តារាសម្ដែង Chow Yun Fat ក៏បានបញ្ជាក់ដែរថា៖ "ក្ដីសុបិនរបស់ខ្ញុំ គឺរស់នៅដោយរីករាយ និងធ្វើជាមនុស្សសមាញ្ញម្នាក់។ អ្វីដែលពិសេសបំផុតក្នុងជីវិត មិនមែនជាចំនួនលុយដែលអ្នករកបានទេ ប៉ុន្តែជាផ្លូវចិត្តដ៏សែនស្ងប់ និងការរស់នៅសាមញ្ញ ដោយប្រើជីវិតដែលនៅសេសសល់ពោរពេញដោយសេរីភាព”៕