កែវ សុខផេង ៖បើខ្ញុំលេងជុំជាមួយ មុន្នីឧត្ដម និង វឌ្ឍនាកា គឺស៊ីចង្វាក់គ្នា

2018-10-11 07:40:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធជម្រើសជាតិកម្ពុជា កែវ សុខផេង បានបង្ហាញភាពសប្បាយចិត្ត និងពេញចិត្ត សម្រាប់វត្តមានរបស់ ចាន់ វឌ្ឍនាកា និងប្រាក់ មុន្នីឧត្ដម ក្នុងក្រុមជម្រើសជាតិ ដើម្បីត្រៀមជួបទីម័រខាងកើតស្អែកនេះនៅពហុកីឡដ្ឋានជាតិវេលាម៉ោង ៦:៣០ នាទីល្ងាច។

កែវ សុខផេង

ខ្សែប្រយុទ្ធមានបទពិសោធក្រាស់ក្រែលក្នុងក្រុមជម្រើសជាតិរូបនេះបាននិយាយថា ៖« សម្រាប់ខ្ញុំមានអារម្មណ៍ថា សប្បាយចិត្តនៅពេលបានឮគ្រូ និងក្រុមការងារកោះហៅពួកគេ (ឧត្ដម និង វឌ្ឍនាកា ) មកលេងឲ្យក្រុមជម្រើសជាតិជុំគ្នា។ ខ្ញុំ,មុន្នីឧត្ដម និង វឌ្ឍនាកា លេងគឺស៊ីចង្វាក់គ្នា ព្រោះពួកយើងលេងច្រើន ជាមួយគ្នាក្នុងក្រុមជម្រើសជាតិ»។

កីឡាកររបស់វិសាខារូបនេះបន្ថែមថា សម្រាប់ជំនួបទីម័រខាងកើតស្អែកនេះ នឹងប្រឹងប្រែងលេងឲ្យបាន ១០០% ដើម្បីមុខមាត់ប្រទេសជាតិ។ ជាការពិតណាស់សម្រាប់ទីម័រគឺមានភាពរីកចម្រើនច្រើនជាងពីមុន។ ទោះជាបែបនេះក្ដីក៏រូបគេជឿថា កម្ពុជានឹងធ្វើបានល្អនៅថ្ងៃស្អែក។

សូមបញ្ជាក់ថា កាលប្រកួតរវាងកម្ពុជា និងម៉ាឡេស៊ី ដែលកម្ពុជាចាញ់ ៣-១ នោះតារាឆ្នើមរបស់កម្ពុជាទាំងបីនាក់នេះមិនបានលេងជុំគ្នាទេ ដោយសារប្រាក់ មុន្នីឧត្ដម និងចាន់ វឌ្ឍនាកា មានរបួសដូចគ្នា៕