អុញនោះ! ស្ងាត់ៗ Jessie J ចាប់ផ្ដើមទាក់ទងជាមួយតារាហូលីវូដរូបសង្ហា Channing Tatum

2018-10-11 10:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីលែងលះជាមួយភរិយា តារាសម្ដែង Jenna Dewan ពេលនេះតារាហូលីវូដពូកែរាំ Channing Tatum ចាប់ផ្ដើមទាក់ទងជាមួយតារាចម្រៀងមកចក្រភពអង់គ្លេស Jessie J ជាផ្លូវការហើយ។

តារាសម្ដែង Channing Tatum វ័យ ៣៨ឆ្នាំនិង Jessie J វ័យ៣០ឆ្នាំ ចាប់ផ្ដើមទាក់ទងគ្នាអស់រយៈពេល២ទៅ៣ខែរួចទៅហើយ នេះបើតាមប្រភពមួយប្រាប់សារព័ត៌មាន Us Weekly។ Channing ត្រូវបានគេប្រទះឃើញទៅតាម Jessie នៅកម្មវិធីប្រគំតន្ត្រីថ្មីៗនេះនៅ ទីក្រុង Seattle និង Salt Lake City សហរដ្ឋអាមេរិក។ បើយោងទៅតាមដំណឹងពីបណ្ដាអ្នកប្រើប្រាស់បណ្ដាញសង្គមបានឲ្យដឹងថា ពួកគេបានលេងវាយកូនហ្គោលជាមួយគ្នានៅទីក្រុង Seattle កាលពីថ្ងៃសៅរ៍ នៅថ្ងៃទី៦ខែតុលា ហើយថ្មីៗ តារាប្រុសរូបនេះបានបង្ហាញខ្លួននៅកម្មវិធីប្រគំតន្ដ្រីរបស់ Jessie នៅទីក្រុង Salt Lake Cityកាលពីថ្ងៃទី៨ខែតុលា។

ពេលអ្នកទាំងពីរជួបគ្នាដំបូងកាលពីឆ្នាំ ២០១៥

គូសបញ្ជាក់ដែរថា គូស្នេហ៍ថ្មីថ្មោងមួយគូនេះ ធ្លាប់ជួបគ្នាជាសាធារណៈដំបូងកាលពីឆ្នាំ ២០១៥ ដោយ Jessie ធ្លាប់ជាអ្នកប្រគល់ពានរង្វាន់ឲ្យ Channing ក្នុងកម្មវិធី MTV Movie Awards៕

ប្រភព៖ Usmagazine ប្រែសម្រួល៖ ធារ៉ូ