មកទៀតហើយ ស្រកទម្ងន់ តាម៤វិធីនេះ បានរាងស្អាតហើយ សំខាន់អត់ប៉ះពាល់សុខភាពទេ
- 2018-10-12 01:00:00
- ចំនួនមតិ 0 | ចំនួនចែករំលែក 0
មកទៀតហើយ ស្រកទម្ងន់ តាម៤វិធីនេះ បានរាងស្អាតហើយ សំខាន់អត់ប៉ះពាល់សុខភាពទេ
ចន្លោះមិនឃើញ
មនុស្សគ្រប់រូបមិនថាស្រី ឬប្រុស គឺសុទ្ធតែរំពឹងចង់បានរូបរាងស្អាត តូចស្រលូនដើម្បីងាយស្រួលស្លៀកពាក់។ បើអ្នកសាច់ច្រើន អារម្មណ៍បែបនេះ តែងកើតមាននៅពេលដែលពួកគេ ចាប់ផ្ដើមឡើងគីឡូខ្លាំង ធ្វើឲ្យប្រែប្រួលរូបរាងសឹងតែទាំងស្រុង មុនឈានដល់ពេលធាត់។
អ្នកជំនាញសុខភាព និងសម្រស់បានប្រាប់ថា ការធាត់អាចមកពីកត្តារួមផ្សំខុសគ្នា។ ដូចនេះអ្នកធាត់ តែងរិះរកគ្រប់មធ្យោបាយដើម្បីស្រកទម្ងន់ ដើម្បីមានរាងស្អាតឡើងវិញ។
អ្នកធាត់ៗ សូមកុំអាលអស់សង្ឃឹមអី ចង់ស្រកទម្ងន់ មធ្យោបាយគឺមានច្រើនដែរ សម្រាប់អ្នកជ្រើសរើស ប៉ុន្តែទោះយ៉ាងណាអ្នកឯកទេសសុខភាព បានផ្ដាំថា ទោះតាមវិធីណាក៏ដោយ សូមអ្នកគិតពីសុខភាពជាចម្បង។ ខាងក្រោមនេះ គឺវិធីសម្រកគីឡូ បានរាងស្អាត និងមិនមានប៉ះពាល់សុខភាព។
១. អ្នកមិនត្រូវស្រកទម្ងន់ដោយការអត់ឃ្លានបានទេ។ ថ្វីត្បិតតែអ្នកអាចទទួលបានលទ្ធផលលឿន ប៉ុន្តែវានឹងប៉ះពាល់ដល់សុខភាពអ្នកខ្លាំងណាស់។ ហើយអ្នកក៏មិនអាចធ្វើបែបនេះ អស់មួយជីវិតដែរ។ ពេលដែលអ្នកទ្រាំមិនបាន អ្នកនឹងបរិភោគកាន់តែច្រើន នាំខាតធំ។
២. អ្នកត្រូវមានទម្លាប់ល្អក្នុងការរស់នៅ ដោយមិនត្រូវគិតថាវាជារឿងលឿនក្នុងការស្រកទេ តែត្រូវតែគិតថាវាជាអ្វី ដែលអ្នករំពឹងចង់បានអស់មួយជីវិត។ ម៉្យាងវិញទៀតត្រូវតែអនុវត្តតាមការណែនាំរបស់អ្នកឯកទេសទើបអ្នកអាចស្អាតដោយមានសុខភាពល្អ។
៣. អ្នកត្រូវតែព្យាយាមហាត់ប្រាណដោយមិនត្រូវគិតថា ព្រោះតែការចង់ស្រកទម្ងន់ទើបហាត់ទេ ត្រូវតែគិតថាវាក៏មានអត្ថប្រយោជន៍សម្រាប់សុខភាពដែរ។
៤. អ្នកត្រូវតែបរិភោគអាហារពេលព្រឹក ទំពាឲ្យម៉ត់ ផឹកទឹកច្រើន និងគួរតែកាត់បន្ថយការទៅក្រៅបរិភោគបាយ។ ដូចនេះអ្នកគួរតែចេះប្រយ័ត្នពីសុខភាពអ្នក ដោយមិនត្រូវ ព្រោះតែភាពស្អាតមួយមុខ រហូតលែងគិតពីសុខភាពខ្លួនឯងទេ។ អ្នកត្រូវតែចងចាំ ថាសុខភាពជាទ្រព្យសំខាន់ជាងអ្វីទាំងអស់៕