Windows 10 និង Android លេងមួយក្បាច់ អាចធ្វើឲ្យអ្នកគាំទ្រមើលរំលង iPhone បាន
- 2018-10-12 23:02:00
- ចំនួនមតិ 0 | ចំនួនចែករំលែក 0
Windows 10 និង Android លេងមួយក្បាច់ អាចធ្វើឲ្យអ្នកគាំទ្រមើលរំលង iPhone បាន
ចន្លោះមិនឃើញ
Microsoft បានបញ្ជ្រាបប្រព័ន្ធ Android ទៅក្នុង Windows 10 ជាមួយកម្មវិធី Your Phone ដែលអាចឲ្យអ្នកប្រើប្រាស់ចូលប្រើរូបភាព និងសារលើ Desktop បានងាយស្រួល ដោយអាច Mirror (ចម្លងផ្ទាំងប្រើប្រាស់) ទូរសព្ទលើ Windows 10 តែម្តង។ នេះអាចជាហេតុផលជំរុញធំមួយ សម្រាប់អ្នកប្រើប្រាស់ Windows ឲ្យមើលរំលង iPhone។
កម្មវិធី Your Phone មានមកភ្ជាប់ជាមួយកំណែទម្រង់ Windows 10 ហើយការរៀបចំប្រើប្រាស់មានភាពសាមញ្ញ។ ដោយតំឡើងកម្មវិធី Your Phone Companion លើទូរសព្ទ Android > Log in ចូលគណនី Microsoft នឹងផ្តល់សិទ្ធិ (Permission) ចូលប្រើរូបភាព និងសារ។ ពេលនោះនៅលើកុំព្យូទ័រ មានផ្ទាំងភ្ជាប់ទំនាក់ទំនងនឹងលោតឡើងលើកម្មវិធី Your Phone។
ពេលកុំព្យូទ័រ និង Android ភ្ជាប់បានជោគជ័យ នឹងឃើញរូបភាព និងសារនានារបស់ស្មាតហ្វូនលើកម្មវិធី Windows ហើយអ្នកអាចប្រើប្រាស់រូបភាព (កាត់ត ឬចែករំលែក) រួមទាំងសារនានាបានលើកុំព្យូទ័រ។
យុទ្ធសាស្ត្ររួមបញ្ចូលគ្នារបស់ក្រុមហ៊ុនអាចផ្តល់ផលល្អ ដោយអ្នកប្រើប្រាស់ Android ក៏អាចទាញប្រយោជន៍ពីមុខងារមួយចំនួនលើ Windows 10 ហើយ Launcher (ផ្ទាំងមុខ) សម្រាប់ Android ក៏មានបញ្ចូលផលិតផល និងសេវាកម្មរបស់ Microsoft ដែរ ដូចជា Bing និង Office។
Microsoft មិនបាច់ឈឺក្បាលនឹងការបង្កើតប្រព័ន្ធ Ecosystem ដ៏ធំមួយសម្រាប់ទប់ទល់ Android នោះទេ ត្រឹមផ្តល់បទពិសោធន៍ថ្មីមួយមានប្រយោជន៍ និងតម្រូវការសម្រាប់អ្នកប្រើប្រាស់អាចថាល្អប្រសើរ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ