Justin ធ្លាក់ទឹកមុខ ដូចពិបាកចិត្ត ក្រោយដឹងដំណឹង Selena ចូលពេទ្យ
- 2018-10-12 06:20:54
- ចំនួនមតិ 0 | ចំនួនចែករំលែក 0
Justin ធ្លាក់ទឹកមុខ ដូចពិបាកចិត្ត ក្រោយដឹងដំណឹង Selena ចូលពេទ្យ
ចន្លោះមិនឃើញ
ក្រោយបណ្ដាញសារព័ត៌មានជាច្រើនបានចេញផ្សាយថា តារាចម្រៀង Selena Gomez កំពុងសម្រាកព្យាបាលក្នុងមន្ទីរពេទ្យចិត្តសាស្ត្រនោះ តារាចម្រៀង Justin Bieber ត្រូវបានប្រទះឃើញបើកឡានទៅព្រះវិហារជាមួយទឹកមុខស្រងូតស្រងាត់។
ក្នុងដំណើរទៅកាន់ព្រះវិហារលើកនេះ មិនមានវត្តមានរបស់ Hailey Baldwin មកជាមួយនោះទេ។ តាមរូបភាពដែលថតបាន បង្ហាញឲ្យឃើញថា Justin ហាក់ធុញថប់អារម្មណ៍ខ្លាំង ដោយស្លៀកពាក់ធម្មតា សក់រញ៉េរញ៉ៃគ្របផ្ទៃមុខ។ ទឹកមុខរបស់លោកដែលបង្ហាញនេះ គឺពោរពេញដោយភាពសោកសៅ ពិបាកចិត្តជាខ្លាំង។ មួយវិញទៀត នៅពេលជួបគ្នាជាមួយមិត្តរបស់លោក តារាចម្រៀងប្រុសរូបនេះ គឺមិនបានញញឹមញញែមដូចរាល់ដងឡើយ។
គួររម្លឹកដែរថា អតីតមិត្តស្រីរបស់ Justin Bieber តារាចម្រៀង Selena Gomez បច្ចុប្បន្នកំពុងស្ថិតក្នុងមន្ទីរពេទ្យចិត្តសាស្ត្រមួយនៅភាគខាងកើតនៃសហរដ្ឋអាមេរិកដើម្បីសម្រាកព្យាបាល ក្រោយរកឃើញថា ជំងឺរបស់នាងឈានដល់ដំណាក់កាលភ័យស្លន់ស្លោ ក្រោយនាងប្រវេប្រវាយកដៃទាញបំពង់សេរ៉ូមលើដៃរបស់នាងចេញ៕