គិតត្រឹមឆ្នាំទី ៤ នេះ សាលាអន្តរជាតិស្តង់ដារកាណាដាមួយ ប្រមូលបានជាង ២៥ ០០០ ដុល្លារ ជួយមូលនិធិមន្ទីរពេទ្យគន្ធបុប្ផា

2018-10-12 10:12:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿយៗ សាលាអន្តរជាតិ Learning Jungle International School បានរៀបចំកម្មវិធីប្រមូលមូលនិធិជូនមន្ទីរពេទ្យគន្ធបុប្ផា តាមរយៈការជួយជំរុញលើកទឹកចិត្តសិស្សឲ្យមានស្មារតីចេះជួយគ្នា និងមានសាមគ្គីភាពគ្នា។ ដោយក្នុងឆ្នាំនេះផ្ទាល់សាលាប្រមូលថវិកាសរុបបាន ៨ ០០០ ដុល្លារសម្រាប់ជូនដល់មូលនិធិពេទ្យដែលព្យាបាលកុមារដោយមិនយកកម្រៃមួយនេះ។

ដើម្បីចូលរួមចំណែកជួយសង្គ្រោះជីវិតកុមារ ដែលត្រូវការការព្យាបាលជាចាំបាច់លោក លី វីរៈ ប្រធានក្រុមប្រឹក្សាភិបាលរបស់សាលាអន្តរជាតិ Learning Jungleបាន ផ្ដួចផ្ដើមគំនិតរៀបចំកម្មវិធីរៃអង្គាសថវិកាសប្បុរសធម៌ជាលើកទី៤ ជួយដល់មន្ទីរពេទ្យគន្ធបុប្ផា តាមរយៈការលក់សំបុត្រ ចូលរួមកម្មវិធីចែកសញ្ញាប័ត្រ និងការសម្ដែងសិល្បៈរបស់សិស្សានុសិស្សនៅសណ្ឋាគារ Sofitel កាលពីថ្ងៃទី ២៤ ខែ មិថុនា ឆ្នាំ ២០១៨ កន្លងទៅ។

ថវិកាដែលទទួលបានទាំងអស់គឺមានចំនួនសរុប ៨ ០០០ ដុល្លារ និងត្រូវបានប្រគល់ជូនទៅមូលនិធិគន្ធបុប្ផា កាលពីថ្ងៃទី១១ តុលា ២០១៨។ មកទល់ពេលនេះ សាលាអន្តរជាតិខាងលើ បានធ្វើការបរិច្ចាគថវិកាសរុបជាង ២៥ ០០០ដុល្លារហើយ រួចមកហើយ ជូនទៅដល់ខាងមន្ទីរពេទ្យនេះ។

លោក លី វីរៈ

ក្នុងនោះ លោក លី វីរៈ បានអំពាវនាវដល់សាធារណៈជន ឲ្យបន្តជួយដល់មន្ទីរពេទ្យគន្ធបុប្ផា និងកុមារកម្ពុជាដែលខ្វះខាតឲ្យទទួលបាននូវការព្យាបាលដោយមិនគិតថ្លៃ ព្រោះកុមារដែលមានសុខុមាលភាពល្អគឺជាទំពាំងស្នងឫស្សីរបស់ប្រទេសជាតិនៅពេលអនាគត។

Learning Jungle International Schoolជាសាលាអន្តរជាតិដែលទទួលបានសិទ្ធិអាជីវកម្មមកពីប្រទេសកាណាដា និងត្រូវបានទទួលស្គាល់ក្រសួងអប់រំ យុវជន និង កីឡានៃប្រទេសកម្ពុជា។ ក្រៅពីកម្មវិធីសិក្សាជាភាសាខ្មែរ និងអង់គ្លេស Learning Jungle ក៏មានបន្ថែមមុខវិជ្ជាជាច្រើនទៀតដោយមិនគិតថ្លៃដូចជា ហែលទឹក តន្ត្រី អប់រំកាយ សកម្មភាពកីឡាផ្សេងៗរៀងរាល់ចុងសប្ដាហ៍ និងមានថ្នាក់ភាសាចិន ផងដែរ។ លោកអ្នកអាចទំនាក់ទំនងតាមរយៈ៖