Bale ទទួលបានពានរង្វាន់អ្វី ក្នុងអំឡុងពេលពាក់កណ្ដាលតង់នៃប្រកួតវេល-អេស្ប៉ាញយប់មិញ?

2018-10-12 12:33:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធស្លាបសញ្ជាតិវេល កីឡាករ Gareth Bale បានបង្ហាញខ្លួននៅកំឡុងពេលសម្រាកពាក់កណ្ដាលតង់នៃប្រកួតមិត្តភាពរវាងក្រុមម្ចាស់ផ្ទះវេលនិងក្រុមគោជល់អេស្ប៉ាញក្នុងកីឡដ្ឋានជាតិ Principality Stadium កាលពីយប់មិញនេះ ដើម្បីទទួលស្បែកជើងមាសTop Scorer នៃប្រវត្តិសាស្ត្របាល់ទាត់របស់ប្រទេសវេល។

រូបភាព៖Marca

កីឡាករឆ្នើមរបស់ក្លឹប Real Madrid រូបនេះរកគ្រាប់បាល់បាន៣០គ្រាប់ក្នុងការបង្ហាញខ្លួន៧២លើកគ្រប់កម្មវិធីឲ្យក្រុមជម្រើសជាតិវេល។ រូបគេក៏ជាកីឡាករក្មេងបំផុតដែលរកគ្រាប់បាល់ឲ្យក្រុមជម្រើសជាតិនៃប្រទេសនេះដែរ។

Gareth Bale ត្រូវបានប្ដូរចេញកាលពីប្រកួតរវាង Real Madrid និង Deportivo Alaves កាលពីចុងសប្ដាហ៍នេះដែលធ្វើឲ្យរូបគេខកខានប្រកួតមិត្តភាពទល់នឹងអេស្ប៉ាញកាលពីយប់មិញនេះ។ យ៉ាងណាក៏ដោយ គ្រូបង្វឹកក្រុមជម្រើសជាតិវេល Ryan Giggs នៅតែមានសង្ឃឹមថា Bale នឹងអាចចូលលេងឲ្យវេលក្នុងក្របខ័ណ្ឌ UEFA Nations League ទល់នឹងក្រុមជម្រើសជាតិអៀរឡង់នៅសប្ដាហ៍ក្រោយ៕

ប្រភព៖ Marca ប្រែសម្រួល៖ ហ៊ីម រស្មី