មកដឹងកាន់តែច្បាស់ ពីក្រោយរឿងរ៉ាវនិងមូលហេតុ Selena ចូលមន្ទីរពេទ្យផ្លូវចិត្ត
- 2018-10-13 04:30:00
- ចំនួនមតិ 0 | ចំនួនចែករំលែក 0
មកដឹងកាន់តែច្បាស់ ពីក្រោយរឿងរ៉ាវនិងមូលហេតុ Selena ចូលមន្ទីរពេទ្យផ្លូវចិត្ត
ចន្លោះមិនឃើញ
ខណៈពេលនេះ Selena Gomez កំពុងតែស្នាក់នៅមន្ទីរព្យាបាលខាងផ្លូវចិត្ត ដោយសារតែនាងមានជំងឺនេះដល់កម្រិតធ្ងន់ធ្ងរប៉ុន្មានថ្ងៃកន្លងទៅនេះ។ អ្វីដែលគួរឲ្យភ្ញាក់ផ្អើលនោះគឺ តារារូបនេះក៏បានប្រកាសពីដើមហេតុខ្លះៗ ពាក់ព័ន្ធនឹងអាការៈនេះដែរ។
កាលពីថ្ងៃទី២២ខែសីហា Selena បាននិយាយជាមួយអ្នកគាំទ្រនៅលើ Live នៅបណ្ដាញសង្គមថា "អ្វីៗគឺមានល្អប្រសើរនោះទេ ខ្ញុំបានឆ្លងកាត់ការលំបាកជាច្រើនខាងផ្នែកអារម្មណ៍ប៉ុន្មានខែមកនេះ ប៉ុន្តែវាមិនអីទេ។ ខ្ញុំគ្រាន់តែគួរតែចេះធ្វើការសម្រេចចិត្តល្អៗ រៀងរាល់ថ្ងៃដើម្បីសម្រេចនូវគោលដៅប៉ុណ្ណោះ។" ទោះបីជាប្រាប់អ្នកគាំទ្រថានាងមិនអីក៏ដោយ ក៏ប៉ុន្តែស្រាប់តែមួយថ្ងៃបន្ទាប់នាងបានប្រកាសថា នាងសម្រាកពីការប្រើប្រាស់បណ្ដាញសង្គម។
យ៉ាងណាមិញ ម្ចាស់បទ "The Heart Wants it Wants” មិនបានប្រាប់ពីមូលហេតុទេ ថាការលំបាកផ្នែកអារម្មណ៍នោះបណ្ដាលមកពីអ្វី? ម្យ៉ាងទៀតរយៈពេលប៉ុន្មានអាទិត្យកន្លងទៅនេះ ព័ត៌មានពី Justin និង Hailey បានផ្សព្វផ្សាយនិងក្លាយជាប្រធានបទនិយាយគ្រប់ទីកន្លែង ដូច្នេះហើយនេះអាចជាមូលហេតុ។ មួយវិញទៀតនៅចុងខែកញ្ញា Selena បានទទួលស្គាល់ថានាងបានទៅមន្ទីរពេទ្យ ដើម្បីរកការព្យាបាលពីការបាត់បង់គ្រាប់ឈាមសរបស់នាង ដោយសារតែការវះកាត់ក្រលៀនកាលពីឆ្នាំមុន។
ចំពោះការមកកាន់មន្ទីរពេទ្យលើកចុងក្រោយនេះ គឺមិនបានបណ្ដាលមកពីបញ្ហាក្រលៀននោះទេ ប៉ុន្តែមកពីបញ្ហាផ្លូវចិត្តកម្រិតធ្ងន់តែម្ដង។ តារាវ័យ២៦ឆ្នាំរូបនេះ ឆ្លងកាត់ការលំបាកជាច្រើនព្រមទាំងបានទទួលការព្យាបាលផ្នែកជំងឺផ្លូវចិត្តនិងអារម្មណ៍ជាច្រើនលើកច្រើនសារ ប៉ុន្តែនៅតែមានបញ្ហាថ្មីកើនឡើងចំពោះនាង។
ទោះបីជានាងមិនបានប្រកាសប្រាប់គ្រប់គ្នាឲ្យបានដឹង ប៉ុន្តែបើតាមប្រភពមួយប្រាប់ទស្សនាវដ្ដី People ថា នាងពិតជាពិបាកក្នុងការធ្វើចិត្តណាស់ ខណៈដែលដំណឹងភ្ជាប់ពាក្យរបស់ Justin និង Hailey គឺត្រូវបានគេប្រកាសគ្រប់ទីកន្លែង។ ទោះជាយ៉ាងណាក៏ដោយ ជំងឺផ្នែកសតិអារម្មណ៍និងបាក់ទឹកចិត្តកើតឡើងដោយសារតែការប្រមូលផ្ដុំ នូវភាពអវិជ្ជមានជាច្រើនក្នុងជីវិត៕